AGAMES 討論區

標題: 有關最近的斷線及Lag機的問題事宜(6/17) [打印本頁]

作者: 神域使者 時間: 2015-6-17 16:20:21 標題: 有關最近的斷線及Lag機的問題事宜(6/17)

最近的斷線及Lag機的問題，官方於收到玩家的回報後，已經積極地跟進，而我們最新收到的報告，於昨天 (6/16 )的晚上 22:00 時，有出現比較大規模的斷線情況，官方針對有關時段進行了比較深入的檢查，目前官方確定伺服機的狀態沒有異常，並不是導致最近Lag機及斷線的問題成因。

至於網路上方面，官方觀察到有部份ISP的網路品質在最近有不穩定的情況，如玩家住後再遇上有關情況，建議先向閣下的ISP(網路供應商)查詢。

亦可以在出現有關lag機及斷線的問題時，可在電腦進行 ip ping 及 ip tracert 的程序。

在以下位置輸入「cmd」(win7) 後按 Enter...

ip ping "113.10.182.171"

tracert test "113.10.182.175"

如果有進行上述的 ip ping 及 tracert test 程序，請幫忙提供有關圖片給我方了解，並提供有關的時間及 閣下使用的 ISP(網路供應商) ，也請幫忙說明有關時間在遊戲出，出現問題的情況，這能有效讓官方更了解該次問題的成因，在此感謝各玩家的幫忙！

作者: invince 時間: 2015-6-17 16:29:42

之前就話HKBN斷姐
琴晚斷哂咁濟都可以話"目前官方確定伺服機的狀態沒有異常"

作者: 神域使者 時間: 2015-6-17 16:35:41

invince 發表於 2015-6-17 16:29
之前就話HKBN斷姐
琴晚斷哂咁濟都可以話"目前官方確定伺服機的狀態沒有異常" ...

根據紀錄，昨天的斷線，雖然是有較多的玩家出現線的情況，但並不是所有玩家皆出現斷線，加上在今天的進一步調查後，得知並非伺服器的機件問題而導致，也沒有"死Ser"的報告及紀錄，而是網絡上的問題而導致。

作者: Asaki 時間: 2015-6-17 16:40:35

invince 發表於 2015-6-17 16:29
之前就話HKBN斷姐
琴晚斷哂咁濟都可以話"目前官方確定伺服機的狀態沒有異常" ...

議事論事...如果真係死ser....咁個分流會變灰色架wo-.-.....
同埋會出現(停機)的字眼-_-....咁琴日又真係唔係咁...咁gm話伺服機的狀態沒有異常...又錯唔哂wo~

btw~反正有星界cb...咁玩住果邊先(笑)

作者: 叛逆小方 時間: 2015-6-17 16:59:17

咁點解釋為何只有FFO斷線而其他線上遊戲沒有斷的問題

如果係關網路問題,咁又點解昨晚可以上到AGAMES討論區?

作者: 小細細 時間: 2015-6-17 17:56:38

本帖最後由小細細於 2015-6-17 17:59 編輯

官方版大,
電腦野我唔在行,
但係我玩咁耐, 從未試過咁斷法,
尋日斷時間係10點左右, 並岩又係幻境時間,
迫住我要斷完又要上, 上完又斷, 十幾次, 幻境最後得返好少人入場, 幸好勉強過到.
老實講你同我講係ISP供應商問題係好難信,
因為我入SER果陣係6條線全藍, 可想而知有幾多人斷左, 唔係單獨個案,
而咁多人唔會用晒PCCW, 換句話講係連同其他ISP 供應商一齊出問題...

尋晚我真係CUT到燥底....
官方作唔作出補償, 係我角度係冇咩所為,
但唔該, 真係唔該, 確保伺服器穩定,
我唔希望再有類似事件發生。

作者: Asaki 時間: 2015-6-17 17:59:00

叛逆小方發表於 2015-6-17 16:59
咁點解釋為何只有FFO斷線而其他線上遊戲沒有斷的問題

如果係關網路問題,咁又點解昨晚可以上到AGAMES討論區 ...

其實狩龍都有問題

但同為Alta遊戲...gm係咪應該更加了解下?

不過話時話...你用睇網頁同玩mmo黎做對比...真係幾引人笑...你唔係以為...你上網睇到yahoo..上到fb打到個卡....上到網dl到av...就代表mmo唔會斷線同唔會lag機咁有趣丫ma?

btw...琴日我有玩ps3既gundam時...連線都變左黃色(即係上網品質唔好)...平時都係藍色(良好)...我用hkbn

作者: 叛逆小方 時間: 2015-6-17 18:11:46

Asaki 發表於 2015-6-17 17:59
其實狩龍都有問題但同為Alta遊戲...gm係咪應該更加了解下?

不過話時話...你用睇網頁同玩mmo黎 ...

如果線路有問題,你上網去邊都係有問題

MMO會LAG機會連唔到,網頁就唔可以有無法顯示或線路有問題?

其他線上遊戲(ONLINE)都冇LAG機冇彈,就係FFO彈,佢話ISP有問題,我真係唔信

作者: yauwanhang 時間: 2015-6-17 18:13:53

本帖最後由 yauwanhang 於 2015-6-17 18:15 編輯

家中經常同時有數個線上遊戲在運行，當然全都祇倚靠同一條寬頻線。
如果幻想神域次次斷線的時候，其他公司的遊戲總是無事，完全正常無彈
而次次都祇係幻想神域有事，咁大家認為，邊個有問題。如果係使用中ISP有問題，其他玩緊的遊戲，應該都有事，但次次都係幻想神域....

作者: Asaki 時間: 2015-6-17 18:52:36

叛逆小方發表於 2015-6-17 18:11
如果線路有問題,你上網去邊都係有問題

MMO會LAG機會連唔到,網頁就唔可以有無法顯示或線路有問題?

mmo係每一秒都需要接收同上傳封包~你上個網需要做到呢d野咩?
需要既頻寬都唔一樣...我打個比喻....56k都上到網...但玩mmo好難可以好順暢~~我唔係話ser一定冇問題~~~只係話你用埋上網黎做對比有問題ja~~

ot一下~~~你仲有玩咩game?

作者: owen212 時間: 2015-6-17 19:26:16

小細細發表於 2015-6-17 19:56
官方版大,
電腦野我唔在行,
但係我玩咁耐, 從未試過咁斷法,

補償事小，如果日後再出現大規模斷線又再補償，咁只不過係換湯不換藥姐
同意小細細講法：
老老實實Gm應該認真調查究竟係供應商嘅服務器有咩問題造成呢個狀況。

再者。。本人小補充。。。
我用緊澳洲Telstra網絡係咁斷線。。
跟住轉用手機Vodafone手機流量玩都係一樣斷。。
呢度都已經兩個唔同ISP啦，
斷估都冇可能係我網絡供應商同時出問題玩唔到FFO掛？

作者: 叛逆小方 時間: 2015-6-17 21:02:30

Asaki 發表於 2015-6-17 18:52
mmo係每一秒都需要接收同上傳封包~你上個網需要做到呢d野咩?
需要既頻寬都唔一樣...我打個比喻....56k都上 ...

每轉一個頁面都要入載
條線係上唔到就係上唔到,冇理由MMO會係咁彈,而網頁就連一刻都冇延遲冇LAG

K唔夠上網都係LAG

作者: 秋子Akiko 時間: 2015-6-18 03:51:30

= = 我彈到入左去甘樣

作者: rho 時間: 2015-6-18 12:01:59

咁多個唔同ISP連過去都有問題的話,
如果唔係SERVER既問題就實係官方條New World Broadband / network equipment(modem/router/firewall) 出事...
先搵New World D人去check下仲實際啦

利申:有做開network troubleshooting既IT人

作者: 白雪限定 時間: 2015-6-19 14:09:48

雖然我認澳門呢邊網真係廢d. 不過我唔覺得今次係網絡公司問題

歡迎光臨 AGAMES 討論區 (http://forum.agames.hk/)