AGAMES 討論區

標題: ＃轉＃小心迷魂黨,.......太恐怖了 ! [打印本頁]

作者: ㄨ小呆呆ㄨ 時間: 2008-5-7 14:37:01 標題: ＃轉＃小心迷魂黨,.......太恐怖了 !

這是真人真事, 朋友轉來的 EMAIL ! 太恐怖了 !

相信以下發生既都係真, 因為我今日(08年4月9日)親身試過, 而家諗番起都不停感激發出呢個e-mail既人, 多謝jammy forward左比我。
事原: - 今日o係銅鑼灣等我男朋友收工, 行完sogo出黎過馬路既時候, 有個35-40歲著得挺斯文既女人行過黎問我野:「.....
小姐.....我想問.....」, 初頭係聽唔到佢講乜, 隻耳好似塞左咁, 我一心以為佢問路, 於是再三聽, 跟住佢用手掂一掂我膊頭,
我即時諗起呢個e-mail, 跟住開始閉氣(因為勁驚係迷暈黨), 佢再問左一句我聽到既問題:「小姐, 請問你呢件係唔係細碼衫? 」,
bingo! 真係同呢個e-mail講既野一樣, 我即刻驚到閉住氣大嗌「唔係!」就轉身跑走左...=.=.....
之後我即刻打比男朋友, 同佢一路講住電話..好彩冇事。
其實聽唔清個女人講乜(即係:...小..姐.....我想問..小姐..........)既時候, 我feel到全身有一種麻痺既感覺,
太恐怖啦, 總之而家唔理三七廿一, 問路又好問野又好sales野都好, 一旦有個陌生人行近自己都要閉一閉氣先。

o係度forward出去比我d朋友, 希望你地下次遇到類似情況都所警剔。
尤其是一個'running'頭 35-40歲
著得挺斯文既女人!!!!

[ 本帖最後由ㄨ小呆呆ㄨ於 2008-5-7 15:25 編輯 ]

作者: ㄨ小呆呆ㄨ 時間: 2008-5-7 14:37:29

人人需提防！！！

事發位置大概在尖沙咀加連威老道的 bossini 附近，突然有一個年約35-40 歲的女人，外表實在不像壞人(啊呀!!? 不要再以貌取人
)，髮型 -'running'長及至膊頭，她捉住我的左手對我說:「小姐你係咪著中碼衫架 .....冇野架 ......我問下咋 ,
你係咪做 model架。」
不知不覺我巳開始感到暈眩，我撇開她的手用最快速的步伐向前行(講真我的手腳行動巳開始感到遲緩發軟)，
但我看不見有煙的物體，很厲害，她只是對我說話，30秒也沒有呀!!

我知道我巳快撐不下去了，於是我入了中華電力坐下，我休息約10分鐘後，
看見前面有間 7-11便行過去(我巳觀察了有沒有可疑人物才離開，其實根本沒可
能發現他們呀！)，我一心想著買白花油令自己醒過來，付錢後企在bar搽油(我隔離一直企著一個女人，不是之前那個)，我本想離開(我亦看見那女人巳走)，我未出門口(因為我大嫂剛剛call我叫在
7-11 等她)，我再返回bar那女人突然返回)她向我說話，我知道他們(迷暈黨)定不會放過我，於是我出去那些人多的店舖(心裡希望大嫂快來呀)，我不停穿梭那些人多的店舖，最後大嫂來了
...........。

我並沒有財物損失，但請各位人事轉寄出去，好讓各人事事提防(尤其女性)!!
請不要立亂同陌生人說話呀!!!

[ 本帖最後由ㄨ小呆呆ㄨ於 2008-5-7 15:16 編輯 ]

作者: ㄨ小呆呆ㄨ 時間: 2008-5-7 14:38:11

有人回應 :
我相信係真嫁！因為今個星期三晚,我係銅鑼灣都試過類似情況，行經 Timesquare 附近，有個女人行過我身邊用手摸左我膊頭一下叫停我，
好慢甘同我講：「 Miss... 唔該 ....Miss... 我想講 ... 」。我都聽唔清楚佢講咩，只係突然覺得唔多舒服同頭暈，
我無理佢諗住繼續行，但仲貼埋黎想再講野，個時感覺怪怪地甘，好似聽極都聽唔清楚佢講咩，佢有想扶住我嫁，但一見我朋友行過黎佢就慢慢甘行開。

雖然我冇手軟腳軟，但就好頭暈同埋對耳仔好似塞左甘，個種唔舒服同頭暈要直到
我坐低抖左成廿分鐘先散。
原本我仲以為係己唔舒服先頭暈，但睇完上面個 email 之後 ,就覺得可能同個個女
人有關。
所以無論男女，大家出街真係要萬分小心！
各位朋友! 小心 !! 小心 !!!
如果唔係自己親身感受過都唔知原來迷暈黨咁厲害。

(((唔好意思一次過po唔哂出黎,要分開3次)))

[ 本帖最後由ㄨ小呆呆ㄨ於 2008-5-7 15:16 編輯 ]

作者: 隱形人 時間: 2008-5-7 23:09:03

多謝你啊!!

我會小心d!!我轉左比別人知!!

作者: godzilla 時間: 2008-5-7 23:58:51

以後出街要小心d先得，我都會提醒身邊的親戚朋友們，感謝你的分享。

作者: 草女乂 時間: 2008-5-8 14:32:44

依個睇過不過真的要提防= = 太猖狂了

作者: 平安 時間: 2008-5-31 15:18:45

..............................太難以置信......
好恐怖:L

作者: 幻乂影 時間: 2008-6-8 17:22:13

係我就new下鼻屎先-w-睇佢敢唔敢整我膊頭
再唔係我整下自己個鼻打個乞次(超級鼻敏感)...睇佢死唔死開d~
何況我除左衣物同眼鏡身上都冇咩錢-3-

歡迎光臨 AGAMES 討論區 (http://forum.agames.hk/)