AGAMES 討論區

標題: 遊戲帳號內的貴重物品和金錢無故被盜竊 [打印本頁]

作者: ipipip1210 時間: 2011-8-26 22:16:15 標題: 遊戲帳號內的貴重物品和金錢無故被盜竊

源係26/08/2011凌晨4:00左右~ 本人離開電腦前~沒有關掉晴空(掛機)~到今天早上10:00左右~ 見到遊戲伺服器中斷~ 到我再重新進入遊戲~ 就發現角色內的物品和金錢不見了...我的帳號一共有6個角色~ 有4個角色內都有金錢~ 合共不見了 140金左右~ 還有6粒防爆增幅水晶/ 1粒不能交易的防爆增幅水晶 ~ 還有4枝三星幸運水~ +30%掉寶率的符~
於是我打去客服~ 當然想問個明白~ 因為我的帳號由申請帳號到現在此刻~ 一直沒有第2個人知道我的帳號和密碼~
第一次打去 (下午1點幾)~ 第1個客服職員叫我send email去比佢地跟進~ 仲話會o係當日比到回覆我~ 好啦... 我等等等...等到6點左右仍未有email回覆~ 也沒電話聯絡我~
我再打第2次去問~ 今次第2個職員聽電話~ 我不厭其煩又講多次呢件事既經過~ 呢個職員竟然話返我部電腦可能有問題( 有木馬程式 )~ 我玩咩game都未試過有咁既情形發生~ 宜家你咁講即係話我有問題 ~ 唔關你地公司事啦~ 我夠可以話~ 係晴空個伺服器有木馬程式係度啦..! 之後佢話要等3 -7 日工作天~ (呢個職員好強調咁話"盡可能比到答覆我"~ 即係會有可能音訊全無~ )甘我咪話~ 係咪真係要攪到報警~ 你地公司先會受理~ 個職員仲係度講風涼話: " 咁而家你帳號入而有野唔見左~ 又唔知比咩人偷左~ 咁梗係建議你報警啦... %&%^&*^* "
呢個職員咁講~ 即係話~ 玩家既帳號根本唔會有任何保障~ <就算>自己已經好好保管acc & pw ~ 如果發生左好似我呢個情形咁的時候~ 根本冇得追究! (打個比喻~ 即係你銀行戶口密碼根本冇比過任何人~ 但係有一日你發現個戶口入面d錢冇哂~ 你當然會問返呢間銀行既職員~ 係咪先? ) 只不過宜家係虛擬私人物品比人偷左~ 但係呢d物品有真金帛銀擰過$$$出黎買點數而得到的~ 但只不過係事隔幾個鐘頭~ 就已經有不知明外來程式撞入玩家帳號入面繼而偷野~ 呢間代理公司管理遊戲方面係咪有好大問題呢?
仲有~ 個職員話~ 前排"好多"玩家比人爆acc都會報警~ 等警方再處理~ 大家問心啦~ 警方會唔會真係處理? 個職員話好多玩家比人爆acc, 即係其實已經有好多人都報左警?
我知道我唔見左既野好難會有得返~ 我都唔會再玩呢間代理公司負責既online game~ 太不負責任之餘~ d客服職員仲要係度串串貢~ 態度十分惡劣~ !

作者: 卍小人物卍 時間: 2011-8-27 00:57:43

投訴佢地啦:machine:

作者: `★文儿 時間: 2011-8-27 09:23:36

無故被盜竊可能原因:
1.電腦可能已中木馬病毒
2.防毒工具過期/沒有進行更新.引致黑客成功該電腦讀取遊戲帳號
3.加上你未熄GAME.黑客入左你電腦都唔知
4.係網吧''曾經''使用過該遊戲帳號
都係建議你報警!等警方跟進.網上罪行不容忽視!:time: 同埋可唔可以整細隻d字.睇到好辛苦:L

[ 本帖最後由 `★文儿於 2011-8-27 09:25 編輯 ]

作者: jovikiki 時間: 2011-8-27 20:31:10

係咪你行開左戈陣有人搞你部電腦呀:em800_101:

作者: lovehappiness 時間: 2011-8-28 02:59:58

話佢地米得囉

作者: abg4b10 時間: 2011-8-28 14:06:08 標題: 回覆樓主 ipipip1210 的帖子

客服串串貢@@
新人黎;;
打左咁多年比Alta客服D人都係好nice;

作者: ken741753 時間: 2011-8-28 23:39:40

我老婆都係咁囉,我調佢農務系,而家連佢細妹都比人爆埋:o

作者: bobo1860 時間: 2011-8-28 23:42:38

樓主～你事少啦　我尋日早上８：３０－１０：３０訓左一陣　就已經比人偷晒ｄ野啦，點裝點品錢藍寵咩都無晒，ｓｄ左Ｅ貓超過一日　一Ｄ聲氣都無囉，到左今朝～１０：３０左右a妹玩～又比人爆埋囉，白兔裝　３金都唔放過囉ｄ人～勁賤:@

作者: 大覺屋師真 時間: 2011-8-30 12:18:47

我都好明白帳戶無故被盜係好激氣。
不過希望大家明白，官方並冇方法查證你所講既野係唔係真。之前亦發生過有人賣左個帳號俾人之後，話自己帳號被盜要我地幫佢轉密碼，結果官方無故做左騙子幫凶。亦有人將自己既野轉晒俾人之後就話被盜，由於我地並冇法定權限可以調查，根本冇辦法知道真相，所以被盜既最好解決方法，就係報警，官方一定會全力配合警方調查。
至於因為帳號被盜要怪官方管理不善，呢樣就真係有d強詞奪理，始終電腦在你家，我地冇辦法知你究竟裝過d咩做過d咩，一被盜就話官方問題，真係好冤枉喎。

作者: 蘇蝦 時間: 2011-8-31 10:21:31

致GM
客觀黎睇...你話人地電腦裝過乜比人爆ACC都好你賣點數開個SER比人玩係要提供服務
你可以一站式服務約見返比人盜帳既客戶見面再陪同報警,而唔係好似人地服務返你咁
搞齊野哀求你幫佢查... 所以遊戲都有紀錄交易左去邊個ACC 當時使用的IP地址
我唔覺得你地收到回報後將哩D資料搵出黎保密地陪同客戶去交給警方好麻煩好難囉...
衰D講句...一個帳號價值可以等同你一個月既人工
你要明白...ED網上盜帳問題你打999 等同不受理 [D差佬會幫你落薄十年都無回應同你地差唔多]
要搵返網路罪惡調查組...但係一般既宅男/機迷會識咩??? 你一句話冤枉係叫不負責任...
你收錢架... 岩岩個個玩家個例子好好
我放係銀行D錢特然唔見左唔通銀行職員同我講我都唔知你個密碼有無比邊個
比人偷左緊係自己去報警喇,我唔洗幫你處理架!????
另外...ATLA你地有隻GAME叫魔法物語我之前一個BUG回報果600抵金到今時今日都無晒消息
最後我轉左玩晴空 BUG左小損失我都懶得回報了...
當時問題比你回想下喇我玩2SER既時候打副本紀錄拎左第一[珍珠貝 68級副本]
之後系統BUG左唔識更新我上第一名最後只有第二名的600抵金
叫左官方查佢一句好大聲咁同我講你有打到一定有得拎
我總共打左14個電話查詢最後到今時今日都係無回應...事情大約在3-4個月前左右發生
剩係哩單野我都已經放棄左對ALTA客服既信任..玩得就算的心態玩落去0.0

作者: 大覺屋師真 時間: 2011-8-31 13:11:52

回蘇蝦：
就被盜處理方面，你講得有道理，呢方面我會將你既建議拎去同客服討論，睇下可以點樣加強服務幫到被盜號既人，唔該晒你！

魔法物語bug問題：
以我所知因為系統記錄問題，連原廠都冇辦法查得番個名次....所以唔係我地唔想幫你，而係真係冇問題，呢方面唯有多多包涵。

作者: 蘇蝦 時間: 2011-8-31 14:06:35

嗯,不過客服回覆要盡責D就真既..好似雲起咁有個客服回答平台咁..最起碼一定有個答案
當然唔好好似雲起咁喇..問題轉交哩到果到處理...直接回答個結果好D囉= =

因為ALTA好多客服都係無回應就了事..."

[ 本帖最後由蘇蝦於 2011-8-31 14:09 編輯 ]

作者: `★文儿 時間: 2011-8-31 14:35:01

比人爆ＡＣ黎黎去去得幾個：
１：密碼係你朋友電話／生日日期
２：電腦受木馬程式感染
３：去過網吧
４：曾經外借過ＡＣ
５：密碼係自己電話

　　　預防遊戲帳號無故被盜竊
１：少去網吧
２：安裝防毒
３：避免進入不明網站／進入前請先用防毒工具檢查
４：定期更換密碼，不要全數文／英文
５：不要外借遊戲帳號

[ 本帖最後由 `★文儿於 2011-8-31 14:38 編輯 ]

作者: 蘇蝦 時間: 2011-8-31 14:44:57

原帖由 `★文儿 於 2011-8-31 14:35 發表
比人爆ＡＣ黎黎去去得幾個：
１：密碼係你朋友電話／生日日期
２：電腦受木馬程式感染
３：去過網吧
４：曾經外借過ＡＣ
５：密碼係自己電話

　　　預防遊戲帳號無故被盜竊
１：少去網吧
２：安裝防毒
３：避免進入不明網站／進入前請先用防毒工具檢查
４：定期更換密 ...

討論緊既係事後處理方法..唔係過程..
就算我比個PW個朋友第二日佢爆左官方都應該處理=.=
就算無能為力都要盡力處理..而唔係叫人地自己去諗掂佢-.
-

作者: 大覺屋師真 時間: 2011-9-1 18:33:40

原帖由蘇蝦於 2011-8-31 14:44 發表

討論緊既係事後處理方法..唔係過程..
就算我比個PW個朋友第二日佢爆左官方都應該處理=.=
就算無能為力都要盡力處理..而唔係叫人地自己去諗掂佢-.
- ...

針對你既意見，我地內部開完會決定改善客服流程，盡力幫d有盜既人，呢個係最新公告：
http://gd.alta.hk/event/20110901/

作者: abg4b10 時間: 2011-9-1 18:49:31 標題: 回覆 16樓大覺屋師真的帖子

其實Alta可以參考下台灣戰谷既客服質素0.0
如果你吾Care;我可以比條link上黎;
一間好代理;首先要接受到批評;
台灣戰谷由幾年前比人話垃圾去到呢家個個都話第一

作者: 大覺屋師真 時間: 2011-9-1 18:53:49

原帖由 abg4b10 於 2011-9-1 18:49 發表
其實Alta可以參考下台灣戰谷既客服質素0.0
如果你吾Care;我可以比條link上黎;
一間好代理;首先要接受到批評;
台灣戰谷由幾年前比人話垃圾去到呢家個個都話第一 ...

當然唔會介意啦~~~不過台灣同香港情況始終唔同，好難跟足台灣個做法。同埋，戰谷個客服呢...就真係...

作者: abg4b10 時間: 2011-9-1 18:56:53 標題: 回覆 18樓大覺屋師真的帖子

http://forum.gamer.com.tw/C.php? ... A=21247&tnum=18
睇埋回覆呀;;尤其第13篇
就真係..真係咩xd?
其實我相信alta要做既一定做到;
話晒都叫玩alta既game大;講真0.0

[ 本帖最後由 abg4b10 於 2011-9-1 18:58 編輯 ]

作者: 小yo` 時間: 2011-9-3 16:32:15

讚好!!!!
我都俾人爆左AC

歡迎光臨 AGAMES 討論區 (http://forum.agames.hk/)