AGAMES 討論區

標題: 《九年童伴‧您的童話》 [打印本頁]

作者: leung200914 時間: 2012-4-3 13:47:01 標題: 《九年童伴‧您的童話》

本帖最後由 leung200914 於 2012-4-3 13:48 編輯

各位親愛的玩家:
大家好! 我好開心童話舉辦呢個活動，可以比我地玩家們發表一下心聲。係呢度我想分享一下我對童話既感受，我玩左童話都有幾年了，我十分感觸，童話比我既感覺就係充滿色彩，係我小學階段既時候，有一次緣故令我接觸到童話呢個遊戲，個一次係我去同學屋企玩，我見度佢玩呢隻童話遊戲玩得好開心，我見到入面既怪獸都幾得意，而且人物又會郁黎郁去幾有意思，所以我就問佢借左個童話遊戲光碟返屋玩，就展開左我玩童話既開始，初初我乜都唔識，好多野唔明，我都會搵我個同學教我，久而久之，我都對呢個遊戲熟識了。童話最值得我欣賞既就係佢既怪獸同任務系統，有不同種類，大大小小既幻獸可以比玩家捉，視其喜好，又可以同玩家交流一下幻獸心得，而我最鍾意既幻獸就係甜甜圈啦!
因為佢比我既感覺就係甜蜜蜜既，真係想食左佢~

唔知大家有冇同感呢，相信大家對童話都有好多既感受，係童話入面，我地可以同玩家一齊做任務，
打小頭目，捉寵物，傾計，仲可以有PK系統比我地對戰，真係製作得好出色。我地都玩樂其中，童話入面都有甜亦有苦，可能有一點玩家想不勞而獲，佢地利用童話玩家純潔既心，一些例子:賣帳號/賣點卡來欺騙玩家的可因或寵物，我都係其中一個受害人，我有同理心，比人欺騙既感覺好難受，玩家們用了很多時間和心思升級和升寵物，目的都係想令角色人物更加強，但遇到此事件就會一無所有，係童話入面欺騙人事件都是屢見不鮮，希望不要再有同類事件發生，令玩家可以安心玩落去。係童話九週年既大日子，GM出左好多既活動，我對此行為感到好開心，可以比玩家們創作一些新幻獸和令玩家對童話既歸屬感都會有所增加，希望GM會更致力發展童話，花更多心思來增值童話，令童話的玩家們身同感受，一直支持童話，多謝!
遊戲角色名稱:貴o貴

歡迎光臨 AGAMES 討論區 (http://forum.agames.hk/)