AGAMES 討論區

標題: 我諗十個有九個都會同意.... [打印本頁]

作者: 網球拍xpp 時間: 2012-9-10 17:40:03 標題: 我諗十個有九個都會同意....

希望香港ser GM會反映下以下問題

首先係戰場既問題
1.戰場編人既問題係唔係應該改下?
下下2補對3補..老老實實好玩咩?_?
好老實就算垃圾同個識補又難殺既補師一隊垃圾都可以變神手
根本同勁補師一隊=贏9梗.
實力呢? 沖裝黎做乜? 靜係沖把武咪得囉反正2,3個補都補得住係唔係咁?_?
無補師個隊呢? 又沖裝黎做乜? 人地有補打極都滿血咁你沖全身+20 耐抗谷到50% 都係要死沖裝黎做乜?_?
講真無人唔係現實既有時自己個隊有補對面無就好高興反正自己有著數靠補師能贏
而對面有補而自己無既時候呢就埋怨隻GAME點樣編人架?_?
將心比心我明白戰場應該公平對每位玩家補師都應該有被看重既時候
但呢個所謂戰場係唔係靠自己實力而贏呢?
好老實公測開始玩既玩家都知道大部份人封頂無幾耐個排無乜補兩邊亂殺真係好玩好多.

2.戰場5打5 10打10 1打1 大家悶唔悶?
5打5 10打10來來去去都係靠補師老老實實大家有同感嗎?_?
1打1 來來去去都係個D人而且靜係得同職唔悶嗎?_?
何不開放新既戰場? 反正大家都封頂無野做
例如 玩家大混戰 無隊伍,自己靠自己殺人
無補師唔係可以更加顯得出自己既實力嗎?_?
或者有戰略既戰場好似守城個D咁
或者1打1變隨機唔同職會唔會吸引好多?
公會戰都希望快D開 =]

然後係遊戲內容問題
1.老老實實身邊好多人包括自己都已經升左幾隻唔同既職仲要封哂頂
上線有咩做? 活動少, 副本打到悶(打到金裝都無以前咁興奮,完全唔值錢),
而且戰場來來去去都係靠補師, 身邊都唔少人玩到唔想玩
其實呢隻GAME唔難升 好多玩家都封頂未必唔係好事等大家唔洗係屈LV 實力咁上下打交都好玩D
但都有2個月幾月了吧?_? 唔開LV都係好事唔使搞過D裝(呵呵應該唔少人都係咁諗)
咁不如快D開弓手同重斧?_?
連雙劍都大把人80LV喇以我所知弓手同重斧都好多人期待梗.
不如快D開等多D無野做既玩家可以有D野做下又可以吸引多D人黎玩

2.有無諗過搞D內容更豐富既大型活動呢?
牛郎織女個D 唔洗5分鐘就KO 老老實實你地覺得好唔好玩?_?

最後係職業問題
1.補師唔使講啦係戰場已經威到飛天 =]
槍棍同雙劍雖然成日係戰場俾人圍但識玩識走位既都可以唔死而又殺到人
劍呢本身自己都係玩劍有吸人有追擊技招架高攻擊力唔低我覺得呢個職真係唔錯殺到人而可以唔洗死加上無乜人會打坦=]
拳呢我真心覺得呢個職係無用既好老實本來小弟都係玩拳既入戰場就算係一D公認好強既拳都只會俾人點去煩補師
殺人? 更加唔使講啦人地跳下跳下咁走你殺到嗎? 棍同雙劍就連槍都有遠攻劍有吸人而且CD好快 拳想殺人?我會同佢講算吧啦!_! 打到人地無血人地跳下跳下咁走你未追到個時已經俾人汁左如果對方係棍同雙劍呢拉住你打你就成個傻仔咁跟住佢行慢慢俾佢拉死開左30%跑速係地下可能追到人但呢隻GAME係玩空中激戰喎?_? 上到天你追到咩? 拳?要黎做蒼蠅煩住D補師既職?就係因為咁我先走左去玩劍
老老實實身邊好多好強既拳已經都話唔想再玩有D走左去玩雙劍有D話等弓同斧有D更加已經DEL左GAME
我已經放棄左玩拳只係想幫一D對拳有點灰心既玩家開口講聲
唔期望改勁拳只希望加D追擊技或者定身減人移速既技就足夠
只因本身都鐘意拳呢個職估唔到入戰係追住人跑成場既傻仔

以上既問題總括黎講就係
1.戰場編隊伍既方式希望改一改
2.可以開放另一D類型既戰場及公會戰
3.希望弓手同重斧會快D出
4.可以開放一D大型既活動
5.拳這個職太無用太可憐希望俾番小小地位佢地

其實好老實我打咁多野我唔知有無人會真係睇哂
亦都對我既建議無乜好大既期望會實行到
最重要係第3點同第4點啦
弓手同重斧快D出同埋開放D大型活動吸引多D玩家
大家都發覺到人流不斷流失既事實啦
我係真心喜歡呢隻GAME 唔希望見到咁既情況繼續落去
希望官方正視一下

作者: kaikaiho88 時間: 2012-9-10 17:55:57

你都好有心機打@@

作者: 網球拍xpp 時間: 2012-9-10 17:57:34

kaikaiho88 發表於 2012-9-10 17:55
你都好有心機打@@

真心鐘意呢隻GAME 只係提供小小建議希望大家玩得開心D=]

作者: kaikaiho88 時間: 2012-9-10 18:04:26

網球拍xpp 發表於 2012-9-10 17:57
真心鐘意呢隻GAME 只係提供小小建議希望大家玩得開心D=]

比個like你;D. 希望宮方正視呢個問題

作者: yoona115 時間: 2012-9-10 18:06:59

我睇曬

樣樣都好支持!!! 因為我之前都係搵唔到game玩得名將係吸引到我
但人流越黎越少日日做ge野又黎黎去去都係咁之前1齊玩識得ge fd都走曬希望官方快d做野等隻game可以繼續走落去

作者: 小鳥爆開了 時間: 2012-9-10 18:11:05

其實我睇哂
我3個職80左(槍,雙劍,拳)
升LV大家都知係悶的
但係其實活動好似你咁講
一係好快做完
一係就要入點
根本留唔住D人
如果入到台服我都會走去玩!

作者: 淺倉藍 時間: 2012-9-10 18:13:16

好多謝你將名將既意見同大家分享

我會盡量將佢反映俾原廠改善

小秘密：大家最關注o既等級上限/新武器/另類戰場，預計兩個月內分段推出~ 當然仲有其他系統更新，要留意官方公告呀

作者: Stevehot 時間: 2012-9-10 19:21:20

吊你....
講得好好呀!!

作者: yoona115 時間: 2012-9-10 19:36:49

淺倉藍發表於 2012-9-10 18:13
好多謝你將名將既意見同大家分享我會盡量將佢反映俾原廠改善

小秘密：大家最關注o既等 ...

2個月內

唔知仲等唔等到咁耐

作者: 和牛仔 時間: 2012-9-10 19:46:38

最重要降物價。。想玩但冇運打值錢金裝真係頭都痛埋

作者: 早起的鳥兒 時間: 2012-9-10 20:43:08

同感封左頂咁耐
上線又無乜野玩又無活動
完全無動力玩了
戰場設計真係基本上睇補師
無咩刺激感

作者: haydenting 時間: 2012-9-10 22:46:24

講得好好

支持

作者: rickyng 時間: 2012-9-10 22:52:29

樓主真係好用心咁打出黎

我讚同~

作者: 星光下的愛 時間: 2012-9-11 00:29:31

補C 唔係係戰場惡D 咁仲可以係咩地方惡

打人都無殺傷力

作者: cater1 時間: 2012-9-11 04:47:51

本帖最後由 cater1 於 2012-9-11 14:42 編輯

唔補得,咁補師愛黎做咩? 補師已被打臉好多次不停咁改點法.心法都係想好補D姐
老實.老老實實<...這口頭蟬重複唔少次 XD (奇怪..我在看哪裡
另外係pvp來來去去都係果班人 ..即係依家隻GAME好少人玩更加好少人會pvp

講真最近我嚴重感覺到人流少既問題.
打到金裝賣唔出 d野放拍賣又少人掃左打副又少左好多人收入有d停滯 ..有d悶

搞到我覺得自己成身時裝都冇用啦.. 冇人流你整咁勁咁令唔通真係比自己睇咩=[
本身係幾好玩嫁但最緊要既係.冇哂人玩

作者: anselyo 時間: 2012-9-11 10:38:21

同意，依家封頂之後已經悶到唔想玩

作者: davidlee 時間: 2012-9-11 12:02:18

同感, 好文 !!!

作者: 33165424 時間: 2012-9-11 23:09:50

讚~!!
推~推~推! ! !

作者: 紙儿 時間: 2012-9-12 23:12:23

作者: 網球拍xpp 時間: 2012-9-27 11:50:36

cater1 發表於 2012-9-11 04:47
唔補得,咁補師愛黎做咩? 補師已被打臉好多次不停咁改點法.心法都係想好補D姐
老實.老老實實 ...

呵呵.好老實同你講老老實實就係我既口頭蟬LOL
老老實實喇俾著你係打手用左唔少錢玩呢隻GAME
全身藍時裝全+20 如果對面有三隻補你打得死人嗎?_? 會唔會灰?_?
我唔係打臉D補師但係如果分隊分對咁樣下下幾個補老老實實好玩咩?_?
而家戰場係睇補師既唔係靠自己實力囉LOL

PVP而家多左新人好事黎不過我都希望快D出多D大型活動同新職
我打完呢篇野之後都等左兩星期了每日就去台灣官網睇佢地幾時有新野出
希望真係快D唔係我都等不下去了=[

作者: tomtong12 時間: 2012-9-27 19:30:44

不過咁喎~ 如果真係出左亂殺型‧戰場
會好無視左補師既地位=.= 因為佢殺唔道人又無隊伍/隊殺幫手
咁對補師黎講會有d唔公平...到時又有一斑補師話~好唔公平=.="又要dele game又點咁樣-0-
我諗正確解決問題應該係人數=0= 5vs5 dele左呢個個模式/ 反而用15vs15好d
有笫2個意見,就係開啟多一個新既機制. 房間戰場 ,等玩家知道有咩職業幫手/人數(名字/等級)要隱藏, 每一間房都要有職業數量限制.(咁樣公平啦?)

歡迎光臨 AGAMES 討論區 (http://forum.agames.hk/)