AGAMES 討論區

標題: 對於是次中秋節活動的看法 [打印本頁]

作者: 魏王曹操 時間: 2012-9-27 10:19:54 標題: 對於是次中秋節活動的看法

本帖最後由魏王曹操於 2012-9-27 10:22 編輯

今年中秋節活動照常出左活動比玩家

活動:打月兔賀中秋

但活動在下認為有十分多的問題,本人按捺不住之下,特來反映一下

1)說明不清楚

相信有好多玩家第一次打都只係打到"月兔的微笑",相信就算你20開,一開始第一次都應該只係打到呢個
而官方在網上的說明中,沒有清楚說明是"先拎頭銜,再拎寶物"
而令好多玩家有一種錯覺,認為"月兔的微笑"是一件垃圾

相信直到第二日大家先知道"先拎頭銜,再拎寶物"的玩法,而變成"月兔的微笑"其實相當有用

2)掉寶獎勵不恰當

寵物降級雞精/湯/強化玻糖/武器防爆降/防具防爆降
以上的東西皆是被認為是十分稀有的,特別是寵物降級雞精及湯
而也比人認為是需要娃娃機才能抽取的物品,現在居然連一般平民也可以免費有機會拿到
(單單是看早上時間的8~10,我認識的已經有3人得到雞精及湯,其中一個包括在下)
可能你會說:調整藥水也算稀有吧,但我認為,一個活動有調整藥水作為獎品,也不為過

在下的建議是:若官方依然堅持以上獎品,那麼我的提議是- 每天只有一位幸運兒可以得到獎品
即:每天只有一人可以從月兔身上得到雞精/湯...這些稀有的獎品

3)2個活動有相沖

官方的另一個活動名為:[幻獸娃娃機]中秋國慶回歸特別版
內容是,付出點數抽取娃娃機最多次數的頭10名玩法,可以額外得到獎品
但反觀是次打月兔的活動,相信擁有精明眼的各位玩家也知道如何決定吧
說明白了,是次打月兔的活動影響[童話]的收入,也不為過
在下明白官方想盡量讓平民也有機會脫"窮",但用如此方法一步登天,公平嗎?

4)活動的意義

官方是看準"中秋節"而創造活動,名為"打月兔賀中秋"
但細看此次活動...和上次的"幸運星"活動,在下認為比"幸運星活動"還要差
再對比起上次的打蛇得材料活動,此次活動更加是比人認為"加快童話滅亡"的活動
只有頭6名才有機會得到"寵物降級參湯",他們得到湯的同時,付出了不少時間及金錢
現在呢,只要大家開一堆AC,就隨時有機會一天得到一支湯/雞精/其他更好的物品
其實在下認為官方每一次活動,也有其一定的意義

例如:幸運星活動
大家記得的話,當時每個伺服器的人數高達95%以上
有一些伺服器更達到100%
強化玻璃糖/能量豆子/靈魂豆子等等的價格大幅度下降
推出的新物品"調整藥水"

例如:打蛇料活動
頭6名玩家可得到"寵物降級參湯"
其他第7名~第30名玩家可得到"武器防爆/防具防爆"
設有5個獎項,但5個獎項的頭5位,大致上相同(即也是他們5個,只是可能名次有異)

5)活動的問題

相信已經有玩家反映過一下了,就是"既然每人每天只限拎取一個月餅,為什麼要限時間去拎取"
以及,為何月餅沒法交易?
相信這是官方想玩家積極參與活動的做法,但細想一下,這樣有意思嗎?
玩家們還不一樣是機械人似的!!!不斷洗稀有物品!!!
活動已經失去了活動的意義,簡直就像是在玩單機遊戲似的<雖然童話本是如此

6)總結

在下只是希望"童話"不要再商業化下去了,現在的"童話"已經變得不再"童話"
現在的只有"恐怖的分武","恐怖的寵物","恐怖的秒王","恐怖的秒次"
還有的就是一點<是次中秋節打月兔,活動時間太長

本人認為是次活動,對比起那些辛辛苦苦儲錢才買到雞精/湯的玩家
十分不公平,本人正是辛辛苦苦儲錢的玩家
比起那班買點數抽獎的玩家,那更加不公平了

在下是真的不希望看到"童話"的滅亡
但經這麼多次的活動
不禁讓在下擔憂
更讓在下想起一個遊戲"火線突戰隊"
"Heat ProJect"

作者: 幻乂魂 時間: 2012-9-27 10:23:01

(單單是看早上時間的8~10,我認識的已經有3人得到雞精及湯,其中一個包括在下)

你係怕你打到既湯跌價跌到7彩
先叫官方改吧?

作者: 魏王曹操 時間: 2012-9-27 10:26:46

在下並沒有這個意思
在下想說的只是掉寶太過容易
如果官方可以的話,在下十分同意把活動的獎品回收
簡稱"回潮"

若在下真的怕,那在下還會那麼辛苦打字出來嗎???
還有3星期的時間,在下額外打多10支湯+雞精不好嗎?
而且在下是打算自用的,並沒有要出售的意思

作者: GentlemanBeard 時間: 2012-9-27 11:09:50

說明方面的確是不清晰，因為原廠方也沒有提供詳細資料給我。
也沒想到好的獎品機率會那麼高。這是無容置疑的。

您的意見的確是說出了幾個重點了。接下來要看看原廠方會不會調整了。

作者: 小雯 時間: 2012-9-27 11:35:09

我今朝先開始玩，琴晚趕唔到玩，因為出活動出得太突然，但我打左幾隻月兔都知頭一次一次只係拎到頭銜，除非‥你本身已經有個頭銜囉，所以我即刻轉晒有左個頭銜既人仔去打先，果然有好野出黎，最好就調水啦，又真係無咩唔見得人既野(垃圾)‥唔怪得樓主會咁講咁易出好寶啦，咁又係，個活動仲要去到17號添，又無等級限制，遲早調水會好似寵糖、種子同豆子跌晒價，不過呢d跌都算，晨早調水應該無咁貴架啦，不過如果搞到蔘湯同雞精個價大跌就唔係咁好，始終呢2種物品功效咁好應該名貴既‥，依家好似鬥開多人仔同鬥多時間去抽獎，只係稍為麻煩少少，要搵隻月兔打先有獎品囉，仲要同一隻人聽日又再打過，如果修改番少少野會好d，一係改下好寶率，一係改下等級限制等等

作者: brrrianl 時間: 2012-9-27 16:09:55

宜家都係等月費SER啦.....宜家既童話真係不似人型

作者: GentlemanBeard 時間: 2012-9-27 16:23:08

機率已經調整了

作者: devil230 時間: 2012-9-27 16:59:25

我今日先睇到有活動但係4點果陣改返低D機率但係又無回收返之前D湯咁樣好唔公平囉
人地就高機率咁抽我就要低機率咁抽未改之前抽到湯果D咪好著數官方同果D人係FD黎?
等佢地中左湯先改機率?

作者: 草莓 時間: 2012-9-27 17:17:14

同意樓上講法!!

作者: GentlemanBeard 時間: 2012-9-27 17:32:14

調整前或後每位玩家有同樣的機率抽到獎品，不會存在不公平吧。

作者: 幻乂魂 時間: 2012-9-27 17:36:44

GentlemanBeard 發表於 2012-9-27 16:23
機率已經調整了

調左都冇用抽既抽左 bug既bug左
都對修改後先玩既玩家唔公平啦

作者: 幻乂魂 時間: 2012-9-27 17:39:36

GentlemanBeard 發表於 2012-9-27 17:32
調整前或後每位玩家有同樣的機率抽到獎品，不會存在不公平吧。

咁你又話調整左機率
如果調整左點會一樣

作者: leung200914 時間: 2012-9-27 17:50:47

唉對我地呢D買包既玩家好唔公平等我仲買甘多遊戲包好難得拎到參湯呢D名貴既野人地就隨手可得甘姐係以後都5洗買包了?

作者: devil230 時間: 2012-9-27 17:53:02

你個活動出得咁急即日出活動通知即晚就開始
大把玩家今朝既8-10點先係第一次打而第一次打既一定係頭銜
但係係呢D玩家仲打緊頭銜既時候有D玩家就已經抽到湯同雞精果D
跟住仲要佢地抽完轉頭就改低D機率
咁樣既話
調整前或後每位玩家有同樣的機率抽到獎品，不會存在不公平吧。
你真係認為你呢句說話岩既咁我真係無野好講
我自問我琴晚4點幾先知有活動朝早8-10 仲做緊傻仔打頭銜
心諗晒左1日算LA 當自己無知無留意活動點知今日4點仲要改低埋D機率
咁我無野好講啦

作者: 幻乂魂 時間: 2012-9-27 18:07:16

次次出活動唔試清楚有冇bug問題
到出完,d人bug哂先修改
咁姐係早玩果d有著數?
遲玩果d等睇?
好心你地出活動之前試清楚哂先啦
之前06年 04年果d都冇咁大件事
上次幸運星又係咁.....
搞到通街係果d野~
有bug又唔回溯!

作者: aa9061425 時間: 2012-9-27 18:08:34

要調都唔公平
8-10冇打咪差好遠

作者: 歐陽小王 時間: 2012-9-27 18:28:56

調左又不滿..唔調又不滿
係咪驚自己d貨貶值炸

作者: 幻乂魂 時間: 2012-9-27 18:33:05

最好既方法係回溯.......

作者: GentlemanBeard 時間: 2012-9-27 18:35:27

道理和超市買物一樣。

特價前賣10元的，特價後賣8元。
但沒人會去追討那個差價的吧，因為在特價前每個人也必需要付出10元才可以買到。特價後也是每人付出8元買到了。有沒有買則是顧客自理的。

至於錯過特價時段的顧客又不是我阻止進入的，店(伺服器)一直公開光顧的。

作者: aa9061425 時間: 2012-9-27 18:41:29

咁早上人都要上班上學如果係咁一樣機率開多晚會唔會好D呢
同埋調前同後又差得係咪好遠?!"特價前賣10元的，特價後賣8元。
"會唔會未調前100% 調後0.1%?

作者: aa9061425 時間: 2012-9-27 18:43:05

如果回溯湯已賣出那要如何辨?

作者: 幻乂魂 時間: 2012-9-27 18:47:25

aa9061425 發表於 2012-9-27 18:43
如果回溯湯已賣出那要如何辨?

回溯係指回到某1個時間
例如佢星期3停機可以回溯返停機後果1刻
姐係有冇賣到都冇影響

作者: aesopn42259 時間: 2012-9-27 19:11:26

保持中立,唔講咁多 (我冇抽到甚麼湯甚麼精)

作者: 小雯 時間: 2012-9-27 19:37:35

調整前或後每位玩家有同樣的機率抽到獎品<--鬼唔知呀媽係女人‥我都知大家都係一個角色每日拎到一個月餅，打到一次月兔，掉一次寶，但係掉好寶既機率都唔同左，如果頭2段時間真係好似傳聞咁咁易打到湯同雞精，咁打頭2段時間月兔好過由而加開始打月兔打到17號，真係都收得工，所以我明白爭議響邊，改成點我就唔知，因為我都無咩時間打，真係好可惜，明明出活動係好事，但係因為準備不足、測試不足，搞到咁唔高興，我都覺得出活動出得好急，無任何預告，我以為中秋得果個咩咩share果個活動，希望官方可以吸取教訓，呢個活動我睇都係調番低好竇就算，不了了之架喇‥

作者: 幻乂魂 時間: 2012-9-27 19:46:52

小雯發表於 2012-9-27 19:37
調整前或後每位玩家有同樣的機率抽到獎品

吸取?
上次幸運星都出現類似既事.....
點解仲會出現呢d野...
相反 tw果面遲hk1日出
中招都係hk玩家中招先

作者: 小雯 時間: 2012-9-27 20:00:09

講就係咁講，叫官方注意下，而加"敏"黎都係於是無補架喇，我都係一支湯同雞精都未打到就改左機率了，唔係唔好改番，如果一開始掉好寶既機率唔太高就唔會有爭議啦，而加都唔知仲玩唔玩個活動好，要訓少一個鐘去打架

歡迎光臨 AGAMES 討論區 (http://forum.agames.hk/)