AGAMES 討論區

標題: 《童話輕小說》[三城大臣與物流交易官] [打印本頁]

作者: hilarytsang 時間: 2013-4-21 23:28:09 標題: 《童話輕小說》[三城大臣與物流交易官]

標題：《童話輕小說》[三城大臣與物流交易官]
伺服器：月費版
                  角色名稱：紀子
作品內容：

不知不覺...童話王國已經過左十個年頭。王國主要三大城 : 彩虹城，青鳥城，同埋金銀城決定坐埋一齊開一開會傾下計。

今次三城論壇主要係想傾下...最近有好多人講的物流問題。主要成員分別係三大城的大臣們同埋三位物流交易官。

" 最近有好多人都話物流唔應該存在，因為有唔少富商會搶住去交物流拎聲望，以提高自己知名度。" 金城物流交易官說。

" 其實呢十年來，日日班人都係咁交嫁啦... 做咩而家先講話有問題 ? " 彩虹城大臣道。

" 因為其實有好多人真係用自己努力去搵材料，出自真心想幫助我地三城可以有一定貨物流通，方便大家互相買賣。但係有唔少奸商係三個城度互相買賣，又唔定時買斷某一些貨物，逼有需要用到的人去搵奸商入貨。" 彩虹城交易官說。

" 其實我地都有留意到，但係對我地三大城來講冇咩咁大件事，因為根本唔影響我地。佢地有佢地自己低買高賣，我地有我地收我地要用的貨，唔洗理佢地啦。 "  青鳥城大臣說。

" 咁但係真係有唔少人真係靠自己努力，時間去換取佢地應有的聲望，去増強自己實力。咁會對佢地好唔公平，現在不是都說要人人平等的嗎? " 青鳥城物流交易官說。

" 你地咁講，咁不如叫國王炒左你地三個啦。你地三個咪係度幫緊你地把口講果班奸商 ! 你們仲清楚自己係做物流買賣嗎? 正正有你地，班奸商先有機會可以搵返一筆，岩唔岩先?" 金銀城大臣說。

正當兩班人係度你又嘈我又嘈，國王忍唔住要爆了。

" 其實兩方都唔係冇道理，正反兩邊都有理。其實我地王國現在做得咁好，大家都應記一功。任何事都有正反兩邊，大家點可以只係睇自己認為岩果邊，而唔去企係人地果邊諗下個問題呢?  大家細細個都有學過議論文，老師都應該有教過要正反兩邊都要考慮，先係一篇上品交章。其實同我地做人一樣，任何事都唔可以單方面去考慮，咁樣反而會令到自己有時諗多左，太過單方面去做人。大家話岩唔岩先? 所以消除物流係咪真係一個正確的做法? 到最後會唔會可能只係一個治標唔治本的決定? "  國王好長氣咁講。

大臣們同埋三位交易官諗左一陣，決定唔嘈落去。其實如果只要幫到自己，又幫到人。何樂而不為呢?

歡迎光臨 AGAMES 討論區 (http://forum.agames.hk/)