★《幻想神域》意見、BUG 集中回報帖 (官方定期瀏覽)

januaryyiu

另外我想講.呢隻GAME D怪物數量真係太少.有陣時做任要打16隻OR 50隻遠攻就打得好輕鬆但近攻就打得好辛苦.要好似一隻一隻咁打.希望可以出番多D怪物既數量..如果唔係近攻就會打得好辛苦.有範圍技都冇用..都打唔,5好多既怪.而且D怪唔夠主動.要一隻一隻咁樣行過去等一等..D怪先打你.咁樣想升得快都冇用.想打得快都冇用..希望可以改善

SnowBall0615

1. 當我設定不顯示怪物名稱後，使用任何道具包括只是開騎寵都會自動顯示番怪物名稱~

2. 果防外掛彈出黎既時候可唔可以唔好擺係正中間? 有時打緊怪或者飛緊既時候一彈出黎就搞到撞樹或睇唔到怪，擺係右下過少少唔會擋視線囉

3. 郵件而家有冇上限架? 如果有的話能加個數量嗎，有時太多郵件好驚洗左舊果D，我又好難去數有幾多封，同埋收件人既名單，"最近聯絡的人"能否將近期聯絡的人的排最頂?  明明頭先先send完俾A，但再send既時候佢果名就排到最低，下下都拉到最落，而且最近聯絡人名單又唔會定期清理人名，搞到越黎越多，結果我寧願係密語度複製人名貼上去，仲快過係個聯絡人名單上搵- -"

4. 有冇得將所學既配方整個表可以隨時睇到，每次要去npc度先睇到合成要用咩材料好麻煩，做左幾多或差幾多又係要npc度先check到，尤其配方有好多既時候，打副後想留某一d裝備，但位又唔夠要拆緊d，又唔記得10件配方裡面要留邊一套既邊一件.....有時去銀行拎材料就係睇漏左又拎少左，要行幾次，而且銀行同鑄造npc有點距離，如果將其中一個可以放去鑄造果面就好了!!!

5. 其實而家好多人都會用超過1套既裝備，咁有冇得整個裝備setting，可以記憶幾套唔同但成用到既裝呢，要知道當你個包包有3-4套衫同打番黎又未處理既衫時，突然要換裝係好煩既事，幾乎要逐件check黎著，如果我可以用1個hotkey就轉到成套衫，方便好多，呢樣可以參考下tera，係好貼心既功能黎~~

6. 雖然而家推出左時裝同秘石既共用銀行，但有冇得推出埋源神key同戰利品銀行呢....因為我同ac 都會用到呢d野同埋又要擺最耐又晒好多位，有時a 果人仔打到可以俾b既用，b用完又可以俾c用，而且我又想儲起d戰利品佢，但而家銀行位同包包都唔夠用囉....仲有系統送既5格包限定，又不能合成做十格包限定，又唔可以俾共用銀行，搞到有點雞肋左....不能交易已經夠啦，點解仲要禁放共用....

7. 幾時先開放公會等級???? 我公會收爆人而且唔夠位俾人入了，又冇同盟公會頻道，連想開多個分公會都唔得，因為都傾唔到計，搞到每個人想玩分身都要退正身再入，d公會貢獻又冇晒，想玩分身既時候入唔番自己公會(冇位)，入人地公會又好快因為各種原因俾人踢(例如唔夠lv、上線時間不定等甚至公會係死會冇人on同講野)，如果有同盟公會同埋同盟既頻道，即使我公會唔夠入，都可以開分公會或者同其他公會結盟，叫新會員入人地度，一來令到玩家互動多d可以有助遊戲歸屬感，二來又可以解決玩家想用不同角色參與番同一個公會又不致令到公會人口暴增或減少，或比其他公會多活人(平衡番每個公會既活人數量)，呢樣希望認真考慮下，線上遊戲的樂趣除了遊戲本身，最大的因素是結識新朋友和與人交流，即使我上線沒有解任何一個任務，但令我想要上線的動力就是公會裡有人在聊天呀!!

8. 公會的公開招募同公會公告，副會長不能修改，有時想熄左個公會招募會因為會長沒上線，副會長不能熄的情況下，在踢人和收人的空檔就讓人闖進來了，但即時把別人踢掉又很不好意思，所以把功能調一調吧，讓副會長的權力在跟會長一樣的情況下，差別在於解散公會和調整階級上~

9. 公會的公開招募能否有過濾或招收確認時間?? 例如別人申請加入公會，有列表讓公會管理層確認才加入，雖然說歡迎不同的人來加入，但把大門這樣大開不是辦法，尤其是如果有些人你不願意收，但盡管踢多少次還是會加進來，只有關掉招募，但變相又不能招收到新朋友，又沒有公會黑名單，那可以怎樣做??

10. 公會留言板的留言有個麻煩的地方，要修改一點點的文字需要整個留言刪掉再寫，但如果多過5個還是6個留言，新留言就跑到最底了，但那是比較需要置頂的留言，管理層的功能又沒有辦法修改或更改次序，能否有類似論壇帖的功能，讓管理員能置頂，即使重開帖也不怕次序有問題~~

11. 公會倉庫會否增加分類或容量和自動重疊(或按鈕)，因為很容易就爆倉了，試想想70人來分享那好像30還是40格位子，每人放一粒秘石都不夠位了，如果跟銀行一樣有秘石專用或干脆加大容量就好，要知道這遊戲道具多得很，但能放的空間很有限，尤其又要主張玩家不用忙於收集、輕鬆遊戲的想法，但光是同ac共用的綠裝由40到60等就好幾套了，戰利品又好幾款，不同等級職業要著的用的都不可能一模一樣，個人銀行跟共用銀行滿十格都不夠擺，又沒理由每個分身都要滿10格吧，這樣沒多少人願意玩下去呀，離題了，總之希望倉庫可以加大，別的遊戲公會倉有4頁，每頁大約50格哦....考慮考慮啦....不然整個公會積分來提升公會內部建設也好....起碼有目標讓已5級的公會不會浪費大家做任務解副的貢獻，又可以實際幫到玩家祈望的....

98122981

DEL　　　

執念

異界白石遁地bug  王怪不打人

iam8choi1286

更新後琴書單補技能治療音符好像有時補血的量與數值不符
我和朋友也測試了,pk幾場,有時候會補很小,不符數值,但我看我的狀態,是沒有中任何負性buff
這是bug嗎?

黑色係傻仔

有時係副本跳唔起好煩

薔薇丸

8/9 的維護後就一直出現c++的runtime error彈GAME!
此維護前我從未試過彈GAME!

顯示卡: NIVIDIA GEFORCE GT 620

cooley

沙地5人or地獄副1王閃左紅地都會受傷害扣血其實係唔係 bug?

若霧

希望可以整走開game個動畫 實在超煩

QAZ824

薔薇丸 發表於 2013-10-13 05:26
8/9 的維護後就一直出現c++的runtime error彈GAME!
此維護前我從未試過彈GAME!

我都係咁...根本玩唔到

sl12

BUG回報：
１。
副本次數問題：
打副本後入公會領地，離開領地再去摸副本門口，次數會重置咗。（非雙數小時）

２。
斧技翔空斬：
使用後一有機會出現空中飄移，二有機會成個角色陷入旁邊啲山山水水石頭度甩唔番身。

３。
出現非自身職業嘅冒險之路buff：
好幾次見過、試過喺非主琴嘅角色身上，出現主琴獨有buff不屈意志，野外試過，pvp試過，副本裡面試過。

４。
技能啟源傳送術：
CD倒數完畢後無法即刻使用。

改善建議：
玩家人數流失得真係好緊要，打副、pvp見來見去都係同一班人。
作為非HKD戰士，我亦覺得長久真係好難玩落去。
平均每10lv就使一大筆錢，仲未計升分身嘅支出。
遊戲裡面消費大唔係問題，要強要有付出，但都要畀玩家有方法賺錢先得，除咗點品同十年唔逢一潤咁打到寶，單靠解任打怪真係好難追上開支，畢竟唔係每個玩家都NEET在家中全副心血擺落遊戲度。

玩家有好多聲音，希望福袋唔好咁膠出HP水，希望多啲道具可交易。
歸根究底，問題根源之一係外掛。
外掛真係通街跑，行兩步就撞到個，何解官方冇能力、冇嘗試去打擊呢啲玩家靠肉眼就即刻分辨到嘅外掛？
何解聖城廿四小時有幣商廣播，依然唔見呢班機械人會被捉？

睇住遊戲一路更新，硬件的確多咗、好咗，但遊戲生態就日益唔平衡，人數一直變少；傳奇負責嘅係改善硬件，你哋代理又可有做好改善軟件配套嘅責任？

望到所謂嘅新活動，唔係喺forum搞就係喺facebook like，同遊戲本身根本完全抽離，alta到底有幾了解、幾著緊幻想神域呢隻遊戲，不言而逾。

如果冇改善，玩家係唔會留低。與其上FFO睇外掛打怪、睇新活動要讚好咩status，我寧願番去畀月費玩魔力寶X。

wai-v-

希望遊戲開頭GE動畫可以比我地set顯唔顯示
同埋啟源碎片上限多少少....

Tos鬼

BUG回報:
今期更新後, 入副本離開埸地, 會突然LAG機後, 開始黑畫面轉地圖, 之後就會彈DATA ERROR, 無圖SOR!  (但有不少人也有同樣情況

jimmyng25

想問一下官方真係想下星期推正式?

但係我岩岩先至俾隻game loop到用晒所有memory source 到bluescreen, 然後reboot機
我個部機spec係:
CPU: i7 930
Display Card : GTX 275
RAM: 12GB
HardDisk: 1TB>

加上好多人都話轉版圖, 入副本都會彈game. 又或者會D人畫面有異樣(例如NPC D衫變左粉紅色, 行走地圖嘅時候逐步load場景)

職業平衡同遊戲設定又未做得好, bug fixing又仲有大把....
我真係暫時未睇到佢個優勢係邊....但係咁快又話想推出海外?
咁樣我覺得同迫隻game去加速滅亡無咩分別,
何況我最唔理解嘅係既然係公測版本,未算正式推出,但係又點解會已經有同金錢掛勾嘅系統已經開放(商城系統)?
已經收緊客人錢, 但係都仲係beta版?
客人仲要係幫你地做緊tester? 有大bug都係等每週更新先一次過deploy.
咁樣嘅服務同遊戲質素, 最起碼連本地玩家都未覺得算係一個可以接受嘅程度, 我相信到海外都好難有競爭力.
我真係希望官方可以詳細考慮一下而家個遊戲嘅宏觀.
而唔係而家短期有咩問題爆發就諗D短期方案頂住,全部都暫時性....

以上意見只係本人個人感受同意見, 如果令到任何人有任何不滿或反感, 請多多包涵.
謝謝.

Tos鬼

jimmyng25 發表於 2013-10-14 02:33
想問一下官方真係想下星期推正式?

但係我岩岩先至俾隻game loop到用晒所有memory source 到bluescreen, 然 ...

你考慮下清一清電腦垃圾, 上網搵下條code去清,  同埋刪禁d唔要既game (其實有d game有d小程式會食ram

jimmyng25

Tos鬼 發表於 2013-10-14 02:36
你考慮下清一清電腦垃圾, 上網搵下條code去清,  同埋刪禁d唔要既game (其實有d game有d小程式會食ram ...

唔好玩啦...我而家食緊4GB都唔夠嘅RAM, CPU使用率2~3%
玩一玩幻想神域會導致我行到爆RAM?

Tos鬼

jimmyng25 發表於 2013-10-14 02:43
唔好玩啦...我而家食緊4GB都唔夠嘅RAM, CPU使用率2~3%
玩一玩幻想神域會導致我行到爆RAM?
...

禁就唔知啦=口=    未見過有其他人好似你禁玩到行爆條RAM= =

Tos鬼

有D唔只係BUG
係地圖設計問題, 係草原存點到,佢個到間大屋同兩間細屋中間, 會卡係入邊出唔返黎=口=

cocoleung520

Tos鬼 發表於 2013-10-14 00:27
BUG回報:
今期更新後, 入副本離開埸地, 會突然LAG機後, 開始黑畫面轉地圖, 之後就會彈DATA ERROR, 無圖SOR! ...

我都同樣錯誤，應該係同directx 有關（從佢error.txt得知兼容性上有問題）。 我n 卡更新beta版可以舒緩到此問題 （用msi 660ti)。死都唔搞好兼容性我地玩家點玩!!

you1984

要求外掛絕跡於神域:
方法:
選出真實玩家願意為守護神域而付出時間的.成為代理gm(每服5人左右吧)
每星期or每天提交使用外掛名單.
不用証明,直接封號三日.
不用証明的原因,名單中的人早就由代理gm親自到場可以普通頻道作問話而3分鐘只作打怪沒回應.
三日後解封,而當比封號有3次比封張永久封號同時由真正gm找出這人ip作記錄.
如有同一ip再次比永久封號,這人ip張比永久封鎖.同時貴公司的所有遊戲都會封這ip.
我深信這樣可以有效減少外掛使用的工作室,如果未能改善只可以用更狠的方法了.
當然工作室可以轉ip,只係都比咩都唔做日日睇住d高你10個lv外掛一直洗怪.
因為外掛已發展到不怕安全問題了,而且每15至30分鐘會登出再登入,
其實只要gm自己親身升一次1lv至60lv拳刃,雙刀,盾劍就會明白外掛是什麼?為什麼會有大量玩家流失?
一直坐視不理,不如親身經歷.