傳奇又出新game,真係平衡無望?

小細細

mi5842013 發表於 2015-4-27 09:06
因為幻想太多人嘈職業不平衡..所以新GAME"遊戲中有 9 種不同的職業，玩家們可以自由選擇不必重練。 ...

相等於神域主武重置卷...

小細細

其實我都希望幻想神域會考慮一下推出主武重置卷....
因為隨著更多職業開放, 如果想玩新角色, 就要重練新人,
而重練過程只係不斷重覆解主線OR日任, 老實說或者1, 2次都仲OK...
但當職業越開越多又不停咁重練...就真係好煩同好厭倦......
新開職業係多數都勁...唔係點吸引人玩...
但係玩緊舊職果D, 覺得唔平衡, 又唔想重解主線日任升過新職業就寧願唔玩....

而我覺得係唔會有職業平衡呢樣野, 除非係同一樣職業,
如果唔係不同職業緊會各有優缺點.....無可避免..
與其係咁官方不如開主武重置卷啦....
省去玩家重練時間, 令到玩家更多時間享受遊戲不同樂趣.....

小細細

mi5842013 發表於 2015-4-27 10:08
順帶一提..有埋主源神重置卷就好啦..

最初開人既時候..D源神都未知係 ...

係...初始源神又係好多人中伏....

小細細

叛逆小方 發表於 2015-4-27 15:42
佢只係持續出新game,又唔諗下點樣可以持續落去
出新職都可以平衡,冇人叫你一下出咁勁喎
搞到個個都去練新職 ...

新職唔勁, 又點吸引人去玩,
唔玩又點會有人買點沖裝?
講到尾都係為左錢, 世界冇免費午餐。

另外希望唔好再抹黑劍盾,
搞到劍盾成日俾人拒組,
我以前係玩劍盾出身, 係來緊我斧90之後都會重升劍盾..
劍盾唔係你想似中咁差...
以下呢段片 係 引用 巴哈某大神所拍 劍盾 單刷 75D 3分54秒
問心果句, 你成日話斧勁, 劍勁, 你身邊又有幾多玩斧, 劍朋友做得到呢個時間?
有好多野真係好視乎你有幾俾心機去做...

小細細

叛逆小方 發表於 2015-4-27 20:42
如果劍盾真係勁ga就唔會咁少人玩啦
如果劍真係勁,你神早升左隻劍啦

其他職我唔平論,
因為真係冇咩研究,
我只係著眼點係盾,
因為我係玩盾出身,
有一段時間冇玩, 大概係上年7月左右重玩返,
果陣就諗住收個高LV ACC 齊裝 玩, 咁岩我睇過果陣最高LV係呢隻ACC就收左,
就一直升到現在。
就正如我樓上所講, 我真係冇興趣重複解主線升多隻人, 一來時間唔夠,
二來好悶, 源神祈願同生產階級都夠我搞...
不過但係咁, 我就決定左來緊斧90之後一定升返隻劍盾, 因為一來想玩, 2來我覺得係有潛質..
不過你眼中我諗應該係睇唔到...因為你只係人云亦云..
之所以點解問你有冇朋友做到,
係因為你有朋友做到你至少睇過, 問題係你連睇都未睇過, 就成日吹其他職輸出就好勁, 劍盾就一定好廢, 咁做對玩劍盾人公平? 其實你對劍盾了解有幾多?

我比較鍾意做實驗, 我想睇下你口中所講GA"3分54秒?劍盾都做到 咁我成日話勁果d職業咪行地獄副本?"

由今日起直到源神洗鍊之前, 如果港服有人"85LV" 拍片(非剪接), 正常播放速度, 單刷由到打到尾 75D 係 2分半鐘內完成, 第一位放片果個, 可得2萬金以示獎勵。

我想睇下你口中GA "我夠知打手劍盾勁啦,但同真係打手果d比,有得比咩?" 差距有幾大。

小細細

叛逆小方 發表於 2015-4-28 01:14
出60裝果陣時
我已經見到雙刀前往一片黑暗
這路上有"牆"並且不能跨越和打破

我一直係到講劍盾,
你係都要拉埋其他職來講做咩?
你又講套裝放去其他職到一定勁劍盾好多, 劍盾完全冇得比...
但係你又冇實測過, 咁你拿咩數據來講?
唔係吹係咩?
引用你呢句"講真,打手都坦到王,咁坦實際有咩用?你答我"
劍盾唔一定用坦裝OK? 既然隻王都殺唔死人點解唔轉打手裝打?
當然你又會話我玩打手職點解要玩盾? 但段片就係想講俾你知, 或者劍盾未必真係好高輸出,
但係肯俾心機玩, 都一樣打得唔差, 至少 4分鐘內單刷完成75D 唔係好多人做到, 反觀好多人玩你講GA勁職都一樣可以好雷...
而你又成日講對各職有深入了解, 唔係人云亦云, 又唔係吹水...
你講"斧勁係冒險之路同特色果到霸體有連擊又+16%傷害,灰格又有連擊" 咁借問聲你
你知唔知霸氣已經改左不能觸發連擊效果...?

小細細

叛逆小方 發表於 2015-4-27 20:42
如果劍盾真係勁ga就唔會咁少人玩啦
如果劍真係勁,你神早升左隻劍啦

討論開又唔差在講埋,
見你講到研究得好深入...
又成日講等差呢個問題,
咁究竟等差影響有幾大呢?
我推薦你睇以下呢篇巴哈文章
http://forum.gamer.com.tw/C.php? ... nA=62889&tnum=4
或者你未必有興趣睇晒,
咁我簡單D同你講, 如果一切輸出條件及環境不變, 只係存在等差,
咁每高1LV 就係多2% 輸出,
引用你段對話

"可能你會話:我識d雙刀好大力,可以單刷75地
咪又係屈等差,點解我成日講咩"等差"
你升到75lv入75地,同升到85lv入75地
就算裝冇轉,硬度都唔同左,依個係等差"

高10LV 大概就係多20%傷害,
就好似一個玩家無屬, 另1個玩家裝多個屬遺咁..

小細細

折竹 發表於 2015-4-28 13:11
其實睇翻小細細之前PO係論壇的片，係4:00
我諗佢同台服果位劍盾的裝備係差唔多 (打手裝壟斷裝備界好耐)
即 ...

太耐了0.0
我都唔記得了。

小細細

mi5842013 發表於 2015-4-28 10:03
見大家討論得咁熱烈...我搭下訕先...不喜請無視....

其實自從專精出左...感覺盾著打手裝真係同其 ...

其實正如心事上次講,
最大問題係王有"隨機"指定技,
而且威力驚人, 就算劍盾用坦裝都好...
王招技指向隊友, 根本坦唔到..
而血少就應聲倒地...
所以好多時副本都係速戰速決...
坦裝作用不大, 唔係坦力不足, 而係連坦機會都冇...

小細細

mi5842013 發表於 2015-4-28 15:25
其實中指定技既隊友如果係坦附近...坦都仲可以用守護去頂...未必一定坦唔到...至於街隊有無坦會 ...

其實劍盾係能坦能打..
劍盾用打手裝有不錯輸出,
當用坦裝果陣, 坦力係相當驚人....
而劍盾用坦裝有另1個意義, 就係防止滅團, 因為點都有個死剩係到..
以現在副本或者天塔難度來睇, 確實無需有如此坦力,
因為都火力輾過...
但如果有一日, 或者天塔開放到更高層數,
打手裝秒唔到隻王, 而隻王又輕易秒到玩家果陣, 坦劍盾就會有佢價值...
不過係呢日來之前, 暫時玩住打手裝先啦。

小細細

叛逆小方 發表於 2015-4-29 23:55
問你問題又係到問反我問題,
" 既然隻王都殺唔死人點解唔轉打手裝打? "
你都同意左坦盾冇用啦,問反我又有 ...

之所以點解我會講劍盾用攻裝,
係因為你呢段說話內容

"劍盾又冇傷,反傷又唔痛,得個"硬"字,坦盾黎講
唔理咩裝,人地升多5LV就同坦一樣硬,我要個坦黎做咩
果招反傷盾又係多餘,PVP果D人最少都有十幾萬血,你反得幾千,R痕到1個小情仲多過佢
PVE反王又唔係見到條HP槽扣血,有人話 絕對防禦 有30%反傷+幾萬點傷害    幾萬- -?"

你一方面係到講劍盾冇輸出, 但係又強調坦盾得個硬字冇用,
咁劍盾用坦裝, 低造傷, 冇咩輸出係好正常
定你認為其他職用坦裝就就會有好高輸出?
得劍盾用坦裝冇輸出?
既然你講GA係講輸出, 我就緊係同你講打手裝啦。

你話我屈你抹黑劍盾, 又話由頭到尾都冇話過打手盾廢,
咁你可唔可以解釋下你以下呢2句話含意
"3分54秒?劍盾都做到 咁我成日話勁果d職業咪行地獄副本?"
"我夠知打手劍盾勁啦,但同真係打手果d比,有得比咩?"

仲有我想同你講, 坦盾唔係廢, 只係佢強調的係生存力而唔係輸出,
你又要講隻劍盾用坦裝, 又要講隻坦裝劍盾冇輸出, 其實你知唔知自已想點?

至於點解我會同你講呢條公式,
第一, 呢條係輸出傷害公式, 唔係計減傷攻式, 要分清楚2樣野來, 減傷條式之前有望過下, 不過就唔得閒再搵返出來,
而點解會拿條傷害公式同你講, 係因為你以下呢段說話:

"我好有心機整我隻雙刀,咪又係玩唔到極致
雙刀潛力唔大,點改都係一樣,
可能你會話:我識d雙刀好大力,可以單刷75地
咪又係屈等差"

因為我成日見到你話俾人屈等差, 所以就搵條公式俾你睇,
解釋俾你聽究竟你所講75LV 同 85LV 相差有幾大。
當然你可以質疑條公式係唔係正確, 點解係2% 唔係1%唔係3%?
其實條式有代入驗証, 你可以睇下邊呢部份, 同埋個貼入邊張圖
計出來數字同相片得出來數字 的確落在83512~102070之間,
當然你又可以講, 呢個係一個巧合, 不過你唔面對現實我都冇計....

下文出處相關連結
http://forum.gamer.com.tw/C.php?bsn=24451&snA=62889&tnum=4

以下係驗証內容, 圖片自已入返去個貼睇

"上圖50次攻擊後的結果可發現
最高傷102021
最低傷83795
其餘傷害都介於這之間


套上公式計算

98469　　　　　　  >技能面板傷害
*(1+0.2)　　　　　　>屬性技能增傷，主武對應技能屬性+0.2
*(1+0.12)　　　　　 >主武增傷
*(1+0.14)　　　　　 >對一般怪物造傷
*(1-0.75)　　　　　　>無破防情況下的怪物防禦
*(1+(80-53)*0.02)　　>等差
*0.75　　　　　　　 >技能屬性對應目標屬性
*2.13　　　　　　　 >對一般怪物爆傷
*(0.9,1.1)　　　　　 > 浮動值
=(83512,102070)

可得知傷害會座落在83512~102070之間"

小細細

叛逆小方 發表於 2015-4-29 23:55
問你問題又係到問反我問題,
" 既然隻王都殺唔死人點解唔轉打手裝打? "
你都同意左坦盾冇用啦,問反我又有 ...

另外你講:
"你計完數會勁D?點解唔親身試驗,重有果到有好多都係教錯人"

我的確係計完先砌裝, 你冇講錯, 計完先砌真係勁D, 因為好多時唔知點取捨果陣, 我就會代入去計...

如果你真係覺得條式有問題
憑你"親身試驗" 可以上巴哈開文糾正呢條公式,

老實講, 我砌裝, 考慮技能輸出, 我係參考呢條式去砌,
我就覺得冇咩問題...

當然你 "親身試驗" 得出來結論可能唔同,
期待你發文糾正條公式, 及幫助一直信錯公式的那一群人...

小細細

alive8638 發表於 2015-5-1 06:09
如果你想要直傷高我勸你早日玩其他職好過
我第一隻人玩火炮 全20輸比當時+20武+9裝既杖/斧 等左好耐好耐傳 ...

正如呢位仁兄所講,
樓主不如你貼機體加傷害圖上來,
一齊研究下個問題係邊,
我見人地D雙刀扣王血真係幾快, 唔係講笑,
你成日怨雙刀廢, 不如放圖上來, 試下一齊解決啦...

小細細

chris1029 發表於 2015-5-5 13:15
其實玩一個職 都係玩自己中意ge姐，太過比較都只係自己唔開心  職業各有特色  睇你點玩   我自己中意玩杖   ...

的確, 職業強弱係視乎有沒有把握其優點, 然後將其發揮。如果要做一個稱職打手, 有一些基本功是一定要做好的(例如:造傷, 屬傷, 韌性, 爆傷, 爆擊率, 破防效益, 速度, 跳打, 背打等等), 否則再強職業也不會發揮得好。
最近在巴哈看到一篇不錯的冰杖心得分享, 如果有興趣玩杖的朋友可以去看一下
標題: 冰杖－單刷薄暮密林地獄模式：攻略及一些心得
http://forum.gamer.com.tw/C.php? ... tnum=4&subbsn=9

小細細

handsomechu 發表於 2015-5-5 18:15
大家討論得咁熱烈, 我都想插下嘴.
我玩盾玩到80, 放棄左,轉玩斧.
同樣裝備,LV, 無論盾點玩都唔够斧, 聖劍,  ...

首先希望你明白,
我係唔反對官方改強任何一個職業,
只係我希望你明白, 如果係想要輸出, 就要做好打手基本功,
如果用坦裝而追求高輸出, 確實係無可能,
或者你會話大家都用打手裝, 斧, 聖劍,戰弓果D輸出硬係高D.
而我PO出來條片就係想同你講, 打手劍盾同好多所謂強職比係未見失色, 至少4分鐘單刷完75D唔係好多人做到。
而點解我會有咁大反應, 其實都係同組隊打副有關,
曾經我有一個FD 佢係玩雙刀, 我同佢打副,
佢輸出確實係好高, 絕對唔差, 但係入街團一樣比人拒組拒到飛起,
好多人拒組有時好單純只係因為一個原因"職業", 因為你玩果個職業已經標籤左你係廢...
或者你好俾心機玩, 輸出唔差, 但係因為你玩果個職業, 係別人眼中你早已被認定"係廢"
所以好多時佢都係單刷, 唔係因為單刷型, 而係佢入街團冇人肯組....

而我覺得唔好郁唔郁就係到數其他職業有幾差有幾廢,
因為對一直認真玩緊果班人係好唔公平...............................

小細細

叛逆小方 發表於 2015-5-6 14:21
拒組唔單只係雙刀
講真,坦王有咩難,打手都坦到
依家D人只追求絕對ga攻擊力

我唔知你講GA坦係唔係講緊劍盾,
如果唔係, 我覺得你應該講清楚少少,

引用你對話:

"講真,坦王有咩難,(用)打手(裝)都坦到
依家D人只追求絕對ga攻擊力
坦(裝)果d洗乜要"