{轉} 好色的下場

Ｋ!·

呢件事雖然係我個朋友話我知，但係絕對係「真人真事」，冇花冇假，諗返起都覺得好恐怖！

話說有一日，有一個男仔一個人走去搭巴士。佢一上車就0拿0拿聲走上上層，一心諗住霸返個至愛0既「頭位」。點知一上到去，就發現個「頭位」俾個長頭髮0既女仔坐0左。就0係唔多Happy0既情況下，個男仔突然「鹹濕癮」起，覺得個長髮女仔個背影好似幾「正」，所以決定坐正0係佢後面，務求見到佢個樣為止。如是者，個男仔日日搭巴士都撞到呢個長髮女仔，成日都諗住可以見到個女仔0既真面目。

唔知有心定係無意，唔知點解個女仔成日好遲都唔落車，搞到個男仔次次都隻係見到佢個把長髮同埋個背影就到站要落車，連側面都未見過，非常冇癮。終於，0係鹹濕同埋好奇心0既驅使之下，個男仔決定到站都唔落車，實行跟埋個女仔落車，跟埋佢返屋企，死都要睇清楚佢0既真面目為止。某日，呢個男仔終於忍唔住，準備就緒，決定0黎一個大跟蹤…… 不過，由於個男仔好驚俾個女仔發現，因為「斷正」捉到就會好「瘀」，所以就「搖距」咁跟。點知跟跟0下，就真係「搖距」跟，連影都冇埋，仲俾個女仔撇甩埋添！不過好在都俾佢發現到個女仔住0係邊。原來個女仔住0係一間House度，鬼咁有外國Feel，十足十0的西班牙別墅咁款，個男仔即時心諗：「呢次冇死喇！又有錢，人又靚，溝到就發達囉！」就0係個男仔越諗越開心、越諗越興奮0既時候……
    個男仔走埋間屋度，諗住透過個防盜眼望入屋，「裝」下個女仔0係度做緊乜。點知一望入去乜都睇唔到，淨係見到一片紅色；個男仔開頭以為自己眼花睇錯，諗住睇多幾次會有唔同，點知睇0黎睇去都淨係見到一片紅色。佢心諗：「咁冇法啦！雖然筍，但乜都睇 唔到，唯有走啦！」當佢走0既時候，有個住0係隔離屋0既老伯伯走出0黎，呢個男仔就忍唔住問個阿伯點解個女仔間屋會係紅色， 阿伯就同個男仔講：「全間屋都係黑色0架喎！不過個女仔其中一隻眼係……紅色……」

究竟個男仔睇到0既紅色係咩0黎呢？點解睇到0既全部都係紅色呢？係佢眼花，定係……有人已經發現自己俾人跟蹤緊呢？真係隻有個男仔先至知

wwewinson

睇哂..姐係點...

山崎

睇完
我太多???(問號)了
好多地方都唔明點解= ="

牛奶妺v3v

get吾到-[]-;..

kevin1928

眼望眼 -__-

louis_lam

真係幾恐怖 - -

狗狗

多謝分享~~

999yu

hahahahahahaha咸濕鬼丫,你地都係

麥兜

會唔會防盜眼被油成紅色?

天才

我唔明白你想講咩:L

kinonan

都唔知你想表達咩 .....

yuigor

個故事唔係咁

魔法小米路

驚驚,唔通男仔睇到的紅色是果個女仔的眼o_o

＊hin＊

唔知你想up咩

654123789

抵佢死..

雪bIbu

唔係太明白你講緊咩-.-

我係人

多謝大大分享

鬼._.殺

100%唔係真人真事
有鬼故都係咁既"你改左DD姐

popeye4028

其實.....講緊咩, 1D都唔明

鍊金仔

到唔知講咩:em800_82: