[轉載]中游分子 (人在中環-CK) [複製鏈接]

dingdong

管理員

Rank: 20

帖子: 1332
EXP: 2765 點
金幣: 3502 個
好友: 8
註冊時間: 2008-3-27

電梯直達

樓主

發表於 2009-10-30 09:03:51 |只看該作者 |倒序瀏覽

人在中環- CK

中游分子

跟幾個舊同學食晚飯，席間提到我們以前那班同學仔，畢業了十數年後，現在正在做些甚麼工作，有怎樣的際遇。

大家講到興起，其中一位舊同學忽然說：「喂，大家有冇發覺，以前讀書時代，成績最好最標青嗰一批，大個仔之後嘅事業好似係最平平無奇，反而以前讀得麻麻地，成績普普通通嗰一班『中游分子』，出到嚟社會工作之後，事業反而仲有成就。」我一直沒有想過這個問題，但當舊同學提出，我想一想，又好似真係喎。

「以前讀書讀得最好嗰班呢……」舊同學繼續發表他觀察得來的心得：「除咗有幾個做咗啲乜師物師嘅專業人士之外，一唔做professional嗰啲，大部分都只係響度浮浮沉沉，鬱鬱不得志……」舊同學越講越興奮，彷彿好像發現了甚麼新大陸似的。我坐在他旁邊，心裡想：「呢一班響讀書時代嘅天之驕子，到底出咗啲乜嘢問題？」CK喜歡踢足球，記得以前有個教練曾經同我講過這樣的一番話：「好多細路仔，體格同體質都比同年紀嘅同學仔好，於是佢地就慢慢習慣咗，用體格上嘅優勢去幫自己比賽。但係當呢個習慣形成咗之後，佢哋反而會忽略咗技術上嘅磨練，同埋減少咗響比賽途中動腦筋。冇錯，佢哋細細個嗰陣，會好似踢得好出色咁，但當年紀再大啲，佢哋反而會停止進步，然之後比其他小朋友追過。」

我想，論頭腦論天資，這班尖子相信必定沒有問題。不過正如教練所講，他們年輕時讀書讀得好，表現出色，可能也誤導了他們，習慣過分地依賴這些天資和書本上的知識，去面對社會上的種種問題。可知社會上所需的生存技倆，跟讀書時所學的往往有著天淵之別，兒時學校裡的尖子，假如到長大後還依賴那些在學校裡取得成功的模式在現實社會裡闖，只會事倍功半。