《童話輕小說》我老豆原來係吉恩村村長

大暴龍

標題：《童話輕小說》我老豆原來係吉恩村村長
伺服器：月費版
角色名稱：怪俠一枝梅
作品內容：


1. 我姓王，名叫子，係吉恩村裡面，人人都叫我做王子。
　係細細個果陣，我老豆就離鄉別井，去左金銀城做次元大將軍，我呀媽就去左彩虹城紡織店做工會長。
　由細到大，我都係同我呀麻相依為命。因為咁，我成日俾吉恩村入面Ｄ人蝦。


2. 吉恩村入面有Ｄ咩？
   吉恩村入面有個講黎講去都要你去 地下室開箱既廢柴村長
   吉恩村入面有鐘意用賤價黎收賣貴野既大叔
   吉恩村入面有幾個好可愛好靚既護士姐姐
　吉恩村仲有有個惡霸叫做大雄,欺善怕惡,為人串串拱,動作娘娘腔,鐘意扮女人,但係惡起上黎果陣,就好似胖虎咁,一發不可收拾。
    因為咁,村入面其他細路都好驚佢,遠離佢。而我, 就係其中一個係佢魔掌入面既可憐蟲。


3. 因為金銀城大將軍 淨係識搵人去打暗黑兵團,自己就留係金銀城避難,形容虛設,所以我係吉恩村就無咩地位  
    當我俾大雄蝦既時候,我只係識大叫: 「我老豆係大將軍!大將軍」
   但換黎既,只係一句句: 「咁又點呀?」 「關我鬼事咩?」
    我已經習已為常。


4. 今日我如常放學, 興致勃勃咁由北綠野行番去吉恩村,沿途仲係北綠野採集左唔小蘋果,桃子,諗住俾呀麻享用。
    「呀麻我番黎啦!」 無人應門。
     「呀麻係我! 我係王子殿下呀!我帶左好多蘋果同桃子俾你呀!」 都係無人應門
     但左15分鐘,依然無人應門,無辦法,只好破門而入!
    一開門,呀麻訓左係度,口吐白泡。我二話不說,跑去抱住呀麻
   「發生左咩事呀!呀麻!」
    呀麻吱吱唔唔地講: 「呀麻我唔得啦....北綠野12,124 坐標,有封信...係留俾你既」
    講起呢句.呀麻就斷左氣...


5.  我眼淚汪汪咁 慢慢行去北綠野。路經見到我既人,都以為我傻左。我無傻,傻既係佢地,企左10年都係果個位。
    終於到,12,124,無錯係呢度,有封信.上面寫住: 信一封
    我打開了封信,入面有張紙,仲有一粒玉,張紙上面大大隻字寫住「你老豆其實係吉恩村村長！」
　咩話！　我老豆竟然係村長！？　講黎講去都係叫你去地下室開箱果個村長！？
　張紙後面寫住，「呢粒玉，你老豆，即係村長都有，你係貴族，你係村長個仔」
　係呢一刻，我個腦空白一遍。我,竟然係貴族!


6. 「請國民，王子於１０分鐘內回到吉恩村......」
   世事就係咁巧合,係呢個時候村長竟然召喚我....
   我到底應唔應該同佢相認呢??
   我唔知道。

jelly

好好笑

klaus

幾正 好潮文FEEL

童話天皇

唉.........

himkentim

係呢一刻，我係一個毒男

brian159

好好笑 幾正