《童話輕小說》童話生物學

bolo20120603

　伺服器：雪姑七友
　角色名稱：十成
　作品內容：童話世界的生物研究記錄本


　　我係一個童話生物學家，日常工作大致上係研究一般童話幻獸既基因，我畢生最大既研究項目就係發現左生命核心同宇宙奧秘既奇妙關係，只要交替使用以上兩種珍品，童話既幻獸配種可以話係如魚得水，要風得風，要雨得雨，成長既能力，屬性既偏向，已經掌握得爐火純青，而且合成率同穩定性相當高，可以話係百份之一百。　　
　　

      近日，我做緊一項幻獸營養水研究，希望可以提升幻獸營養水既合成機率同穩定性。呢項研究，我用左史萊姆同褐土獅作為研究對象。史萊姆係一種單性繁殖既物種，透過分裂，可以將自己一分為二，變成兩個個別既軀體。而褐土獅就係一種雙性繁殖既物種，需要一雌一雄，透過受精過程，先能夠繁殖下一代。
　　
　　

      　不過奇怪既係，近日所收集既史萊姆黏液樣本顯示，其中有幾樣本既樣本染色體出現左明顯既差異，即係意味住，史萊姆好可能有雌雄之分，而且呢個發現，好可能對於幻獸營養水研究好有幫助。所以我打算去一去史萊姆發源地─史萊姆洞穴探索一下，而史萊姆洞又俗稱屎洞。
      　出發之前，我既探險老友拉斯再三提醒我，北綠野周圍充斥住褐土獅，特別係近屎洞門口，就最多褐土獅，仲叮囑我萬一遇到危險比褐土獅圍攻，就要毫不留情開槍射殺佢地。
　　　北綠野既路上，褐土獅蹤橫偏野，隻隻都目露兇光，追殺金錢鼠不在講，有幾隻什至想飛撲埋黎咬我，雖然不自量力，但場面都幾驚險。
　　
　　

      　可能因為褐土獅去左獵食既關係，史萊姆洞穴附近的褐土獅並唔多。但係好奇怪，一進入左屎洞之後，竟然一隻褐土獅都無，夠竟係點解呢？有待日後查證。洞穴十分陰涼潮濕，仲不時可以感覺到微風從洞穴內部絲絲輕擦過，似乎史萊洞穴核心，會有更多重要既樣本。
　　
　　

    　　再走幾步，傳出一陣吵耳的鑽探聲，原來著名地質學女探險家卡瑪斯正在採礦石樣本。寒暄幾句，我問佢史洞點解無褐土獅，原來係因為史萊姆既排泄物。當史萊姆食完礦石，消化完再排出體外之後，只要曝露於空氣一段時間，就會散發出一種令褐土獅刺鼻既氣味，所以無褐土獅會入史洞。
　
　　
　 　　經過左第一層之後，第二層史萊姆既態度好似變得兇惡左，而且數量亦大增，從佢地眼神得知，佢地十分之不歡迎我。結果，佢地真係上前圍我。
光糸史萊姆：「係人類呀！殺左佢呀！」
暗糸史萊姆：「殺！殺！殺！」
　　　洞穴既氣氛開始變得緊張，而且圍觀我既史萊姆愈黎愈多，根本無史萊姆聽我既解釋同來意，只係一味想殺左我，就係咁嘈吵既情況下，突然有一隻身形較我高大既史萊姆從史群中走出黎。如無意外呢隻身形咁巨大既史萊姆，應該係長老或者係主體。
　　

　　「全部收聲！人類跟我過黎！」之後我就跟住隻大史萊姆進入左一間秘密房間。「講！你黎呢度做咩，係咪想搶埋我地最後既結晶，令我地絕種！？」我並唔係什麼礦洞開發商，當然唔會搶佢地既晶石，不過有一點我唔明白，就係點解搶結晶會拎佢地絕種呢？
　　

　　「你地班人類！淨係識得搶野！搶哂史萊姆大王既礦洞結晶，又屠殺我地既族群，正人渣！」史萊姆長老愈講愈激動，自圓其說，似乎忘記我既存在。就係呢一刻，門後傳黎木偶傀儡聲音「史萊姆大王有旨，傳人類召見」之後，我比八個木偶傀儡帶左去史王核心洞穴，終於見到傳說中既史王，佢既體形比起之前果隻史萊姆長老仲要大四至五倍，洞穴周圍都係史王既黏液，而洞穴既天花就滿佈沙一般既紅色碎沙結晶，結晶既顏色有一種似曾相識既感覺。「嘿嘿嘿，可惡既人類，你知唔知制造一粒生命穩定晶石要由幾多粒結晶幾多黏液，同埋幾耐時間去提煉？」史王用一種陰沈沈既語氣問我。「我......」我支吾以對「咁你又知唔知你地班人類搶左我地幾多生命穩定晶石源材料礦石，搞到我地既單性分裂成功率下降左幾多！？」史王聲音開始變得激動，神情轉向帶點邪惡。
　　　

　　　頓時間，我突然諗到一樣野，生命？晶石？佢所講既會唔會就係生命核心！？

　　
     「哈哈哈！！我都知你唔會識答，不過你今日好彩，有幸係死前見到我親身煉成一粒生命穩定晶石。」史王已經明顯進入左一個瘋狂狀態，想將對於人類既痛恨感覺，一一發洩係我身上，史王轉身打開石牆內既火爐，係入面拎左一粒發哂紅光既精練石出黎，隨住精練石既溫度下降，開始見到精練石既真正顏色！生命核心呀！原來史王所講既生命穩定晶石，真係生命核心呀！不過我已經無機會再問史王提煉生命核心既事，因為佢轉眼間已經拎起生命核心，口中唸唸有詞，變身成為超強史來姆，身體各部分亦開始進行分裂。史王既身體開始四分五裂，最終竟然分左至少二至三十隻史萊姆出黎，係咁惡劣既情況下，我馬上召喚出寵物，黎一招獸神衝擊，諗住秒殺史王。點知......史王兵團唔單止無死，仲有強大既回復能力，四方八面既史王分身向我衝埋黎反擊！好彩，我早有準備，即時收起寵物，係包包拎出史萊姆變身水，一口飲哂，馬上變左佢地同類，然後一個閃避反擊，走入史群。史王大怒竟然殘殺同類，我見情勢混亂，馬上使用加速技能跑出洞穴。
   
     　經過果次史洞探險，我做左好多關於史萊姆黏液同礦石既研究，結果我發現只要用千年礦洞既晶石加上史萊姆黏液再加上一種史萊姆體內獨有既霉提煉兩個月左右，就可以煉出一粒生命核心，不過唯一既提煉難處就係千年礦石既晶石原材料已經一早比吉恩村早期既居民拎哂黎做防具，武器，飾物等等，而且好多都已經流出左海外。至於宇宙奧秘既構造同成分，依然係一個迷......
　　

lovernami

很用心的文章，讚好

一鍵黎明

你個史王頭銜出賣左你

ballball2013

bolo20120603

補充一點,我是免費服的雪姑七友......