觀瀾湖沙田錦標（讓賽）

Danehill

今個星期賽馬第 9 場 - 觀瀾湖沙田錦標（讓賽）,本地3級賽,唔知大家對商場賽事有什麼心水呢?
我個人對這場賽有以下的睇法.

好爸爸和爆冷,2匹都是馬王級的良駒,實力和質數都不用懷疑,必定是公眾熱目.不過2匹馬都是初出,今次很大機會是旨在熱身,備戰之後的大賽.  

爆冷是一匹跑2000米至2400米至正中的馬,今次跑1600米熱身都實在太短,如果票數太熱的話,要小心.  
好爸爸是一哩王,實力強橫,平磅對這些馬打個8折都可能win,但負133磅會吃力,小心好像上季一樣被輕磅馬偷雞,所以我覺得跑Place的機會較大.
俊歡騰都是一哩馬,但太均速,末段欠缺強勁加力,往往在最後決勝的150米被其他馬追及,所以在高班賽經常只可能跑入位置,今次都是位置居多.
牛精福星九歲老馬,仍然保持一定的實力,季內初出負中磅跑1600米用新鮮感都夠快,而且往往都在被睇低一線和有好分頭的情況下走入三甲.
友誼至上今季一出即勝,狀態大勇,但再翻查牠的賽績,發現牠只集中跑1400-1800米,其中以1400和1800米最合腳法,1600米反而是弱項,目相信是1600米的步速不合,今之的機會平常.
勝利飛駒正中1400米馬,1600米都是3344,得個近字.
爆炸同樣都是一匹長途馬,1800米其實都短啦,何況1600米呢?
再領風騷前季4Win後評分高企只能入置減夠分又轉入告仔倉即回復狀態,上場重響勝鼓,乘用再拼.已往要放頭跑,但上次卻可以守在放頭馬之後跑,跑法上又有進步.
真叻仔要看臨場票數.
喜聚寶打呲亞軍,期望有一定的進步,今場如果冷的話可以小注.
時尚風采今季已經跑了2場,狀態不斷提升中,1600米是射程範圍,不過面對幾匹惡馬,我怕最後150米被其他馬追及,難有勝算,如決心跑位置仲好.
厚利多不明物體
再戰群雄質次一皮.

今場大摩出3隻,告仔出3隻,小方又出2隻,不過大摩3隻似乎機會不大.反而告仔3隻都有機會,一隻放,一隻追,一隻守好位.加上好爸爸,問你點算???

[ 本帖最後由 Danehill 於 2008-10-24 10:53 編輯 ]

Danehill

沙田錦標跑完,賽果出人意表!? 爆冷終於馬如其名爆冷奪標. 事後孔明再睇番場比賽,首先,操練不算積極,臨場睇隻馬的神色狀態都是7-8乘. 還記得上季爆冷初出跑同程的時候,牝的狀態比起今次更fit,但仍然入不到3甲,估唔到今次可以爆出冷Win.當然,跑馬是一場一場計,很難比較.  每個馬迷都很努力刨馬報,睇晨操,查血統,翻查賽績...等等,每個人都用盡所有的方法刨出自己的心水馬匹來下注時,賽果往往出人意表呢? 跑馬始終是一種賭博活動,雖然可以用科學一些的方法來分析數據,但是馬匹和人一樣是有情緒的,每匹馬的馬性都有不同,牝們每次的競賽意欲有多少我們根本唔會知道,臨場有什麼變化同樣無法估計,這就是跑馬最吸引人的地方吧!

說回這場比賽,我覺得爆冷今次真係爆煲,我估練馬師都未必估到隻馬今次可以Win,所以連賭王和他的四太都沒有入場呢? 這場賽事同時証明到爆冷真是一匹馬王級的馬,今次win是牝本身的實力和級數確實比其他馬匹為高,因為今場是在很多不利的因素結合之下而勝出的 - 季內初出, 負133磅重磅吃力, 狀態不足,路程太短...馬王就是這樣出人意表地取勝.勁!勁!勁!

跑第2的再領風騷原本應該可以給予爆冷更大的威脅,可惜馬匹前中段非常搶口,消耗了很多力,否則應該跑得更好. 時尚風采始終都是覺得跑1400米或1800米較好一點. 喜聚寶又係得個近字.

好爸爸只能夠話今場熱身.