華東之旅PART4 (第4日)

lamxdxd

第4日:寒山寺→蘇州絲綢廠→水鄉「烏鎮」→桐鄉菊花→杭州→返酒店

一大朝早,就要6點半起身..但係都好精神,同樣啦,指定動作:梳洗好後準時7點15分將D行李放係房門口就落去食早餐!
D早餐超正~D包超好食,我食左牛角包,炒麵,湯河粉,用竹葉包住既飯,乳酪,橙汁
仲有D侍應,超SEXY..條裙開叉叉到上大比~身材都幾好=0=
食完早餐之後,又再黎1個指定動作:去洗手間~去完洗手間之後,就去左大堂D梳化度坐..個鋼琴..仲係係度彈緊=0=
但係坐左陣,到左8點15分..又要上車!係車上面..見到個蘇州導遊,係男人黎既..講野好慢+好細聲..估唔到蘇州既男人都幾似女仔
而且記得有句蘇州話叫「唉喲」,好似唔知係話人靚女定係打招呼~但一定唔係解咩肚痛呀,跌倒呀果D囉
寒山寺,記得好似因為有首詩提到寒山寺依個地方而出名~好似係「月落烏啼霜滿天,江楓漁火對仇眠,姑蘇城外寒山寺,夜半鐘聲到客船」

入到去寒山寺,同樣都係好猛太陽+超熱..所以聽完個導遊講話幾點集合+介紹之後,就係樹下面坐係度抖涼~
記得寒山寺入面有個叫「和合殿」(唔知有冇記錯名),好似話拖住自己既另一半入去拜3拜..就可以下世都做到夫妻..係唔係真既我就唔知~
之後到左集合時間..我地都去到集合,之後就走人~走人果陣..我見到個門上面寫住「解脫了」,果陣我真係呆晒
我就係度諗,到底解脫左D乜野=_="..壓力依然存在,自己最掛住+鍾意既人冇忘記..到底解脫左D乜野呢?依樣我諗極都諗唔到
上車之前..我地經過間士多,呀媽話睇下有冇琴晚食果D粟米味雪條,點知真係有,我地就買左3枝黎食,呀媽+爸同埋我各1枝
買完之後我地就上車去「蘇州絲綢廠」,今次去依間同上果2次去果間應該唔一樣~但係我敢話,果度D人既面色真係好特別!!
係工場入面做野既,冇咩表情我唔介意..但係果D MODEL,服務員既表情就真係極之特別!黑口黑面,搞到好似你爭佢地錢咁,都唔知乜野應度黎!不過都算..反正去果度都只不過係行下,睇下野咁~入到去..第1樣睇到既就係D蠶虫+蠶[簡]..超核突!仲嚇到我大叫+彈開添=0=
以下所有相都係我冒住自己會被D虫嚇親既危險去影既~


↑第1張係蠶虫,第2張係蠶[簡]
入到工場,又熱又嘈..真係留多陣都熱死

↑要簡過D蠶[簡]..好似話由1條蠶虫吐出黎既絲用黎做線,由2條虫吐出黎既絲就用黎做披 (訓教[COM]果D披呀)
↑抽絲既機器..去到果度真係熱死!
↑織布用既..好似話24小時運作
聽完個導遊介紹完個工場,D蠶絲披之後..就去左睇時裝SHOW,但係D MODEL真係超唔掂囉..黑口黑面咁,而且行得超快..好似趕住收工咁!其實都唔知係咪係工場做野果D人黎

↑個台..不過我果陣坐果個位都好似唔係好掂

↑好難先影到..D MODEL動作太快,搞到果陣影咁多張刪咁多張
睇完時裝SHOW之後,我地就行左一陣商場,不過其實都冇乜野好行..D衫既款又唔岩口味..
之後到左集合時間..就去左附近既餐廳度食中午飯,餐中午飯..同琴晚果餐冇咩分別,都係有糖醋魚,咖哩薯仔
但係有個綠豆湯飲..凍凍地,唔係咁甜,都幾好飲既~但係果陣成舊冰係個綠豆湯度,真係有D驚會溝淡晒
食完飯..我地就向水鄉「烏鎮」出發~烏鎮,其實我都未去過,不過聽個導遊講話係因為果度D屋既牆,屋頂都係黑色,所以先叫烏鎮

今次又係成團人得我地8個人冇去..我地就坐係出面果度吹風扇仔,食雪條,發呆
不過呀爺又擺烏籠..竟然買多左支雪條,全屋人冇個肯食埋佢,個領隊又話個腸胃頂唔到,所以唔食
但係丟左佢又好晒野..唯有我企出黎食埋佢啦~但係加埋依條雪條,我係今日都食左3條雪條,真係有D驚會肚屙
不過好在到夜晚果陣都冇肚痛果D姐..算係好彩~
之後到D人去完出黎果陣..我地終於有得返車度涼冷氣,訓教啦..真係等到我頸都長埋!
去完烏鎮..就去買菊花..我地都買左D菊花返香港~價都有講..只不過唔係叫佢賣平D,而係用返原先果個價錢,買多1-2罐菊花!不過講價好成功,但係最無奈係「要貨唔要錢」,果度賣果D炸菜,果頭講話賣唔出,我地叫佢賣得平D啦,佢都唔肯..要貨唔要錢都有,真係搞笑!
之後我地就去超市果度睇下有咩好賣,結果只買左3碗杯麵,但係「統一」D杯麵始終都係冇「康師傅」果D咁好食!
去完買菊花,去成個行程逗留得最耐既地方:杭州..總共係果度住2晚酒店~
去到杭州,同去到蘇州果陣都係一樣..第1樣要做既野就係食晚飯..食晚飯果間野,好似係每次去杭州,緊有1餐晚飯會係果間野食,間野好似叫做「天興樓」
今晚8個人只食3個餸+白飯..真係慘/__\

哈哈..呃你炸,邊會8個人食3個餸+白飯咁小野?飽肚都唔夠啦!

食完以上既餸之後,仲有蟹食!不過我嫌麻煩..所以冇食到..
食完飯之後..第1時間就緊係坐車返酒店!但係間酒店真係好遠囉,要坐成半個鐘車,但係途中見到「錢塘江」
今晚住既酒店又係華美達..不過係叫「華美達大酒店」,同樣都係5星級!不過個入口太細,因為係商務酒店,好小會有旅行團去住,所以搞到要由後門入= =
已經係第2次咁樣了..果陣係蘇州間酒店架車又係由後門入,依加係杭州又係咁..不過晚晚都係5星級酒店..都冇所謂=_=


↑酒店大堂
入到房..講真間房真係好白下,但係咁樣簡單得黎又幾好





成間房睇晒啦..之後睇浴室..浴室都幾細下..係住咁多間酒店入面最細既1個



之後我沖完涼出黎..電視做緊奧運,同時張床又比呀媽搞成咁............


睇左一陣奧運..我就眼訓訓著左