[明報] 大陸音樂劇《蝶》包場

lamxdxd

民建聯籌款超額完成


【明報專訊】民建聯今年搞搞籌款新意思，包一場大陸首套百老匯級大型舞台音樂劇《蝶》籌款，該黨目標係籌450萬元，雖然正值金融海嘯，但民建聯籌款數字唔單止達標，仲超額完成，噚日民建聯主席譚耀宗粗略計算已經籌750萬。當中唔少黨友被「心口」，包括盧文瑞、楊孫西等。

譚sir「賣花讚花香」，大賣套音樂劇吸引，例如大讚歌曲悅耳動聽，套劇宣傳標語「I believe. Therefore I insist（我相信，所以我堅持）」，直頭可以做競選口號；另一句標語「人間有盡，情愛無邊」就好有文采。


譚sir透露，呢個月31號晚，民建聯特登搞個小型酒會，慶祝音樂劇演出，仲請特首曾蔭權、中聯辦主任彭清華等出席。佢話政府緊發展西九文化藝術區，呢套劇可以「試水溫」，睇港人反應，仲可以推動文化創意政策。


《蝶》藝術總監李盾就話，佢會全球演出，去4至5個國家巡迴表演，包括意大利、俄羅斯、美國同法國，估計會有50至60場演出，首站香港，7月30起香港文化中心大劇院公演。