[蘋果] 斬頭起皮削肉拆骨 疑兇自言太變態 碎屍棄屍 超恐怖 12小時

lamxdxd

【本報訊】 16歲援交少女王嘉梅遭謀殺肢解案， 24歲被告丁啟泰向警方自揭怵目驚心 12小時的剖屍棄屍過程。他用菜刀先頸放血，然後大刀劈開頭顱，復劏肚扯出內臟斬成小件，又起皮削肉，分批丟落廁所冲走，再拆去胸骨及斬斷四肢殘骨。丁在過程中還帶着頭顱乘巴士往九龍城碼頭掟落海，殘骨則混入石硤尾街巿豬肉檔的豬骨籮，返家清洗單位毀滅證據後，冲凉安然入睡。丁不諱言向警方說：「成個過程我覺得太變態！」記者：梁瑞珮

該宗謀殺案昨在高等法院續審，辯方庭上指，被告已承認阻止屍體合法埋葬罪名。控方則繼續播放被告丁啟泰與警長談啟泰的錄影會面。被告詳細講述他自去年 4月 27日約下午 4時醒來，赫然發現援交少女王嘉梅已死，至翌日凌晨 3時許，先後約共 12小時，一幕一幕駭人聽聞的肢解棄屍過程。



                                          
警方去年曾派蛙人到九龍城碼                                          探員案發後在石硤尾街兇案大廈附近沙井
頭潛水搜索王嘉梅的頭顱，惜無所獲。                              撿獲碎肉。

「啲肉拆出嚟冲落廁所」


慘遭肢解的援交少女王嘉梅。



「我行埋去，諗咗一陣間，大約企咗 5至 10分鐘，跟住就將佢條屍搬咗入廁所，擺咗喺地下……」一切就這樣開始。被告取出一把家用斬雞菜刀，赤膊及無戴手套，徒手微托王的軀體，一刀落喉嚨位置，進行放血。「大概放咗兩、三個字，跟住見佢冇乜血流個陣，就再攞埋砧板，攞喺要斬個位置嘅下面，首先將個頭斬出嚟……，劈落去，面向下，斬咗五下度，就甩咗出嚟啦！」被告說。
被告繼而用刀切爛王的衣服，用爛布蓋着頭顱，再用黑色膠袋袋好，放埋一邊。「跟住再將手腳斬出嚟，斬到一嚿一嚿，逐嚿逐嚿將啲肉拆出嚟，切到一嚿一嚿，幾嚿幾嚿冲落廁所。」
被告講述，用砧板墊底，雙腳從大髀位置斬落去，雙手則從肩膊落刀，「把刀慢慢切，切到掂到啲骨先，跟住劈落去斷開。」大髀要斬四至五刀，手臂較幼，兩至三刀已斷。


「見人哋斬豬肉都係咁」
接着開始處理內臟，「中間位攞刀開啲肉，由條頸開始切落去個肚臍度，見到啲腸，唔知邊個係心邊個係肺，成嚿扯晒出嚟，切開一段一段，逐啲逐啲冲落廁所。」他大概花了 10分鐘扯出內臟，再用 10分鐘切碎及冲入廁所。
然後處理軀體的肉，被告表示，先拉起人皮，打橫一刀一刀切入起出整塊皮，然後切碎冲落廁所，再慢慢削肉，同樣切三至四件便冲掉一次。
他坦言：「皮下有脂肪，啲皮好難切，試過連皮切，但起唔到……，我見人哋斬豬肉都係咁樣，我就想試吓咁嘅方法。」削掉王身軀的肉，已晚上 8時許。
稍後，他開始處理骨骼，當中尾龍骨最硬，難以斬斷，肋骨則用刀尖位「慢慢咁樣剁佢出嚟」，有超過 20條。至於四肢，同樣先起皮削肉，又斬斷所有手指及腳趾，逐隻冲落廁所。「腳趾公可能粗得滯斬唔到，就盡量將啲皮起咗出嚟，等人望落去唔似人腳，變咗好似豬腳咁。」他盡量收拾碎骨，丟廁所冲走。
完成肢解後便棄屍。被告清洗雙手後，用紙袋載着頭顱，約於晚上 10時乘巴士往九龍城碼頭，把頭顱連膠袋倒入海中。被告稱：「望咗一陣，冇異樣，冇話浮返上嚟就走。」  

殘骨放入街市豬骨籮
下一步被告返家後把殘骨塞入水桶，分兩輪潛入石硤尾街巿的豬肉檔，把人骨倒入豬骨竹籮。第一輪使用膠袋載殘骨，第二輪完全無遮無掩。
走了兩轉後，他着手毀滅家中證據，包括踩爛水桶，清洗沾有血迹的枕頭及床褥，再用鉸剪剪毀，然後把所有證物、菜刀及砧板等分批棄掉，部份棄於大廈垃圾籮，部份棄置街上。他用鉸剪剪碎王穿的布鞋、手袋及證件，銀包內有 3,400元則據為己有。他拿了 3,200元往的士高玩樂，餘下 200元留作交租。
最後清洗單位，他多次用布抹地及抹淨沾有血迹的床，又用花灑洗廁所。「抹完再開花灑射一次，所有窿窿罅罅全部射過，……清潔程序係大概做到凌晨 3點鐘……，跟住我去冲凉，換番件衫，鋪番好（張床）之後就開始瞓覺。」這樣，被告完成他口中的變態毀屍滅迹過程。案件編號： HCCC252/08  

被告描述驚心 12小時

2008/04/27　約下午 4時
被告發現王嘉梅已死，決定搬屍入廁所


約下午 4時 15分
被告替王嘉梅放血後，開始刀劈斬頭，然後起皮削肉


約晚上 11時
被告用紙袋載着王的頭顱，乘巴士抵達九龍城碼頭掟頭顱落海


2008/4/28　約凌晨零時
被告兩度手拎水桶，往石硤尾街巿倒殘骨入豬肉檔的豬骨籮


約凌晨 3時許
一輪毀屍滅迹，被告清洗單位後，冲凉準備睡覺
資料來源：被告警誡錄影會面供詞

突爆「拎住頭」嚇窒警員【本報訊】被告丁啟泰最初聲稱把王嘉梅如「紮糉咁紮住」全屍掟落海，更進行案情重組，往石硤尾街巿指出取發泡膠箱、垃圾袋及手推車等位置，一一點出來。然而，當警務人員與他進行第七次錄影會面時，丁突然一句：「我當時係拎住嗰位死者嘅頭！」確實有點「嚇窒」負責接見他的警務人員。

投訴遭警毆打恐嚇錄影中，警長談啟泰針對被告所指棄全屍的步行路線圖，質疑該可能性不大，要求被告澄清，又查問他手攜何物。詎料被告突說：「我當時拎住嗰位死者嘅頭。」談似乎遭「嚇一嚇」，即追問：「你可唔可以重複講一次？死者個頭？淨係個頭？咁個身體其他部份去咗邊度？」
辯方指，被告由被捕至羈押期間，多番遭警員毆打及恐嚇，包括威嚇會控告他的朋友謝彥德，才令被告肯作出招認。談警長否認有毆打被告及威逼利誘，又指直至被告在第五次錄影會面中講及碎屍，才知道被告之前錄影會面所講的大部份內容是虛假。
辯方又質疑，既然被告已招認肢解，警方是否有必要要被告再詳細交代碎屍經過，認為警方的問法，是要令陪審團對被告產生偏見。談堅稱：「當時覺得有必要。」