封測就黎完,大家覺得隻GAME點?10分滿分

ryusjoke

我本人就玩左大約四粒鐘。講真係有D失望既，最主要原因係D劇情實在太膠(宜家就唔劇透啦),而且劇情與劇情之間連接鋪排得好差,認真睇故事都完全代入唔到隻GAME, 最衰既係動畫無得CUT, 逼我硬食哂D垃圾劇情。但當然啦,我唔排除之後既故事可能好引人入勝,因為我都淨係玩到三十級左右.但呢四粒鐘我睇既劇情都非常之悶,故事背景同玩既內容無乜關聯,比如話Boss既登場求其,背景資料亦無乜交代,,場景既轉換亦都好差,亦都無交代點解呢個場景地圖入面會有果一種怪物.整體故事背景同世界設定模糊.


第二,難度調較失衡.唔知係唔係封測特別簡單,或者D藍裝,橙裝特別易跌.我玩左四個鐘一啲挑戰性都無, 細怪打幾下就死, 打BOSS如果你唔係聖職,平均大約飲3-8支血水就搞掂(我當你完全唔走位,直接企系度劈佢),如果走埋位根本唔會扣血咁濟。任務類型亦都非常單調,九成都係打細怪(殺特定數量怪物 / 打怪收集物品),比人一種不斷重複做同一樣野既感覺.


第三,角色外觀同技能數量.角色外觀除左把武器同時裝會變之外,其他簡直完全無分別.比人一種就算換左武器 / 轉左職都無乜點變既FEEL.而且感覺唔到自己變勁到.成功感低到一個點.技能數量亦都唔多,而佢亦都限死你一次淨係可以裝六個技能,技能搭配非常少,接技亦都好公式化,甚至接同唔接無乜太大分別.


但呢隻GAME都有好處既, 就係佢畫面唔算差,睇落幾順眼,人物走路同轉向既動作好順,打怪避招非常方便
技能硬直時間亦都好短,遠程施法時間大約在0.1秒左右,近戰既打擊感亦都唔錯.
音樂方面,不得不讚Alta既粵語配音好用心機,雖然完全幫唔到玩家代入,但好有親切感,尤其是當背包滿左,或者隻怪跌靚裝果陣佢既提示聲都好得意.雖然戰鬥果陣既BGM有D煩而且唔夠緊張 / 熱血.但系城鎮遊逛時候既BGM算係順耳.


總括而言呢隻GAME 我比 4分. 以傳奇網絡呢幾年既遊戲品質黎講算係咁,但撐唔撐到三個月都成問題
好啦,寫住咁多先,唔知大家同唔同意?或者大家另有意見?歡迎大家留言一齊討論. 發表意見, 如果覺得我既意見一派胡言或者文不符實既話 儘管大大聲插我啦!

s26071233

6分原因
1:冇得跳動畫
我係一個唔中意睇動畫既人 我只係為升lv打機老實講 所以唔太中意
2:冇得自己視角
死一個角度好辛苦 因為玩開d可以唔同角度既遊戲(唔知係咪我味發掘到啦)

伊澄

我玩RPG嘅原因除左戰鬥之外 劇情都係其中之一
但係呢隻game啲劇情真係膠到冇得再膠（仲要冇得跳動畫
呢隻game同以往嘅傳奇遊戲有啲唔同
雖然都係RPG 不過呢隻似手遊多啲（個人感覺
仲有我真係好唔鐘意呢種視覺.....不過聽講係呢隻game嘅賣點
我第一日封測就衝左去玩 講真 真係有啲失望
玩左1個鐘 已經唔想玩 啲怪彈嚟彈去 好難走位同控制
都係鐘意幻想神域同星界多啲......

ryusjoke

視角方面 反而我睇耐左都接受到(可能係因為我玩其他GAME都好少轉視角啦)

呢種視角既好處係方便遊戲公司製作走路/技能動畫,所以玩家操控角色行路果陣個動作好順,人物轉向亦都睇唔出有硬直或不協調,呢一方面以一隻2.5D GAME黎講係值得一讚.
不過值唔值得捨棄 自由控制視角 黎換取呢D咁雞毛蒜皮既細節改良就見仁見智啦。

朗仔

視覺係有小小唔慣 有陣會想郁下 不過習慣左問題唔大

KusoAmi

視角只能習慣  唔少Game都系呢種視角
動畫好似要睇過一次  創第二隻角色時就可以按ESC跳過
不過除左動畫 仲有任務要等到NPC講完野先可以繼續確實拖時間。。

pkpk79855879

玩台服封測1日就封頂,港服封測都唔想玩
仲要冇日任

朗仔

pkpk79855879 發表於 2016-3-20 20:31
玩台服封測1日就封頂,港服封測都唔想玩
仲要冇日任

一日係點做到架 咁勁

johnson

最緊要係冇得飛劇情
技能多但快捷鍵得幾個

AR_LAU

我都係鐘意狩龍多D 畫面又靚D  又可以近距離望角色

但係傳奇alta 感覺想放棄舊GAME

sl12

傳奇嘅game其實都估到遊戲將來發展會係點，慢慢多d強化方法，慢慢易d有時裝...
不過2.5D係幾吸引~好期待公測人多d

遊手好閑

由於本人廢機 , 以往玩開幻想/星界 都係用最低最低效能黎玩

由於2.5D既關係 , 尼隻GAME唔會好食效能 , 對本人黎講 , 最大最大開心之處係效果全開都唔LAG

大高興 \/

LeonLaiHK

sl12 發表於 2016-3-22 21:42
傳奇嘅game其實都估到遊戲將來發展會係點，慢慢多d強化方法，慢慢易d有時裝...
不過2.5D係幾吸引~好期待公 ...

神子真係幾ok唔錯

最鍾意係佢的廣東話劇情語音

pkpk79855879

朗仔 發表於 2016-3-21 06:37
一日係點做到架 咁勁

我玩個陣未有50
我唔知佢E+有冇日任
有的可以玩下的

bb9977