[諗到有野就加]文長慎入!垃圾們廢夠未我教埋你玩啦好無

yutingken3

我知實有人話D咩打機者開心咪得囉香港人開心D啦
認真你就輸了


你聽埋我講先


以下我講既都係而家好多人既問題

1.首先我講既係最嚴重既問題
兩個字---強化
普通卷刷野怪開寶箱,每日任,開新角好多地方都拎到
省乜鬼?型D?
全身+20係好簡單既一件事,之後你會發覺原來打手根本輕鬆2萬幾血
嘩!係咪好神奇?!終於唔使比王秒啦!!開心大發現呀!!
即使係全身+10都多4,5千血
48副同28幻你全身無強過去打真係全隊唔該哂你
你番去18幻玩算啦我唔想搞大佢


2.強化搞掂啦之後係咩呢?就係意識
首先講坦
而家好多坦以為開哂怪就唔使理,企定定A怪
其實你知唔知呢隻game係有仇恨值,打手求其A兩下隻怪就唔打你架啦
其實你聚完怪放一下呢招有回血,有範圍,有傷害,仲要高hit數,就拉得好實架啦
一次滿足你唔止3個願望,即刻拉實哂,理想達到!
仲有當有怪追住打手個時唔該拉番走
唔係企係度做木頭人


講完坦,就講下打手
唔該哂好多打手,坦未拉完怪就開始打
即時o哂t
成個陣即刻亂哂
全隊又唔該哂你
同埋有時你o左t
d怪追住你個時
我見到好多人呢個時候諗住show off啦
就比大家見識下我精湛既拉打技術啦!
Come on!James!
副本怪硬大家都知,你咁拉打打到幾時?
唔該呢個時候你行去坦度比坦拉番住d怪
大家一齊打,咪清得快好多囉,唔係要5人組隊黎做咩?


最後,就係補師
補師無咩講
有一樣重點就係好似好多人都唔知原來自己係有單補技
淨係識放
其實你仲有仲係補得最多個招....
仲有就係請長駐3層,9%攻擊差天共地


基本上最重要就係呢兩點,之後再講下其他應有既技巧


1.其實貓車可以傳去副本門口(好似好多都唔知淨係識慢慢行過去)


2.48副本去到反傷個關清得最快既配置係1坦3補1遠攻,
坦拉完怪,全隊企埋一齊,3招神聖領聖域+3補奶量足夠支撐起1隻遠攻無限火力
比起大家一齊普攻快好多
如果有練補職到時可以轉補職,清完反傷再轉番


3.28幻好多人去到2王以為同單人一樣,直接開王,結果周圍D寶箱搞到成隊GG
(畫既時候有D心急,4同5既位置應該再前少少係王2邊)

拿1就係一開始見到個幾個箱,之後係王周圍仲有好多箱係無SHOW出黎既,要行過去先會出黎
有能力既坦拉1->2->3->4->5拉哂,清完 -> 開王
保險D既就拉1->2->3 清完再拉 4->5 再清 ->開王(124->35)
同埋28幻尾王call箱係會call d 厄運寶箱出黎call箱仔(係場2邊)
你一日唔打走2隻大既就無限出細既,所以唔該要打左佢

4.呢隻game普通卷淨係上到+20,如果唔想課金咁點算好呢?高強而家又咁貴
其實你可以開新角(同一帳號下)跑主線升到28LV打完28單人,咁就有6張高強+30幾張普強+25金錢寄正身,事先將要強化既裝備放入你既共用倉庫
之後係新角度拎出黎強化
需時約1.5-2小時,升到38需要4小時,多一倍時間拎得多3張,唔抵
咁樣只要你肯花時間,比D心機+40都算係比較輕鬆,愈上成功率愈低除非你真係好多時間啦如果唔係+50都係太辛苦(+30大約15高強+35大約40高強+40大約70-80高強+50約150高強)

5.40橙防具可以話係無用,48藍一套能力差唔多,無成本,更易合上130%,新手們唔需要追求


6.聖騎可以話係必練,單人副用聖騎拉哂小怪清完轉番打手殺王,速度大增!推薦練埋補師,跟團都易跟d

差唔多係咁多,當然如果你土豪既,亂玩都無所謂,諗到再加

k190853

近日做補師打38副...(唔係幻)真係有啲人好頂癮,唔走位硬食技,又唔去光陣,有時我都主補坦放9生去...
仲有補果個有連帶作用,用完光陣後就要衝去光陣到用單補,然後單補又變小範圍群補,對損血最大既坦同長期貼王既近戰超有用,
但係唔知點解總有啲遠程打王全程係咁損血,放完群補放低一下坦去補佢都可以5秒後死咗..
仲有就係,出團有個補真係會方便好多,而且最好一個係右專既補,用嚟補下啲補唔切的打手,
專補用嚟主補坦,乙界輪放包冇死...全場係咁出光陣,易補好多,而且輔補仲可以DOT一下,有時王太硬DOT仲勁過實傷=_=

yutingken3

k190853 發表於 2015-7-2 00:03
近日做補師打38副...(唔係幻)真係有啲人好頂癮,唔走位硬食技,又唔去光陣,有時我都主補坦放9生去...
仲有補 ...

38副需要副補情況可能係因為大家裝備未上黎(亦唔需要)
48LV後最平民既48藍一套+20基本上打副好輕鬆

k190853

啊仲有,28呢個又係一樣=_=我都知王會召怪,但王召出嚟既藍禍寶箱好易搞掂,其他果啲唔係嘛,呢件事係喺我未用補嚟出團之前既事...
話說有條契弟,話自己有強化過下,+38左右,仲要用刺客,打落去係輕鬆搞掂啊,二王成大堆怪一次過拖,可惜我二王同佢做咗兩次白工咯,
事後我少9佢,佢話佢玩過聖騎,星石有加成,打得掂,少你冇腦咩,你打得掂,以為全場都打得掂咩,又唔拉好仇,小怪全場亂走,又要打王又要兼顧小怪(唔係召怪)...
仲要同我講好多"高手"都係咁玩,你鹵味,果啲所謂高手都係土豪升到40幾lv用+40+50打28副,唔速刷有鬼,你估佢地係技術派啊?
正一死濕9嚟,直接打王又唔講聲...

k190853

yutingken3 發表於 2015-7-2 00:05
38副需要副補情況可能係因為大家裝備未上黎(亦唔需要)
48LV後最平民既48藍一套+20基本上打副好輕鬆 ...

或者啦...其實都真係幾睇運下...
我E+48lv都仲用緊120%既獸王+20=_=
防具衝緊日任打強化卷,所以先用補師出團廢事累隊
不過有啲遠程有係又脆又冇技術,係咁中招,補都補唔切...
我都算係咁,大部分職都練上36以上,拎哂技,係得番劍士同獵人兩個仲卡緊21...中途換咩職都基本OK=_=專精都係保命+團隊向..

fung112233

謝教學,學到好多野

我藍郁紀

辛苦了樓主XDD
各種無/微課的福音

charlie9523

唔該哂好多打手,坦未拉完怪就開始打
即時o哂t
成個陣即刻亂哂
全隊又唔該哂你
同埋有時你o左t
d怪追住你個時
我見到好多人呢個時候諗住show off啦
就比大家見識下我精湛既拉打技術啦!
Come on!James!
副本怪硬大家都知,你咁拉打打到幾時?
唔該呢個時候你行去坦度比坦拉番住d怪
大家一齊打,咪清得快好多囉,唔係要5人組隊黎做咩?



呢個真係好重要,好多打手都驚自己死唔到咁,快快手打怪,明明我呢隻坦都未拉完就打,
OT左又唔拉返埋黎比我,搞到我次次都要用盾擊拉返隻怪,好嬲

ashlikesnow

= =看不明白

candybabii

好認同第一點
好多新手連裝備都係+0  仲要用緊綠字裝@@

Edmondshan

正

Fighter

配合得好,全隊成身+0既48LV藍裝一樣可以打得好輕鬆~

johnson

總之無論現實同打機無錢都係收皮

tachikoma

johnson 發表於 2015-7-2 12:26
總之無論現實同打機無錢都係收皮

冇錢玩就用時間...
唔想用時間玩又冇錢玩落去...
...等收皮啦...

iamouwk123

雖然我覺得教學文係唔錯

但係標題會唔會令人太反感呢?

霸氣豬神

終於有人出教學尸吊班人啦~
班坦真係唔知有仇恨值..其實開多兩下技唔難.....唔好成個人呆左係到啦
D打手真係拉打高手...講真.打LOL咩 知道拉打高手好屈機..但係隻GAME都唔同....
真係冇團隊合作 各自打怪...咁不如打單人副本啦...

多謝呢篇分享 真係學到野

推一推啦..

yutingken3

iamouwk123 發表於 2015-7-2 13:21
雖然我覺得教學文係唔錯

但係標題會唔會令人太反感呢?

無計啦,因為D人既無知實在搞到知道自己應該做咩既一班人好燥

Rizia-

雖然個標題咁既樣但入到黎睇又幾正面下
thx

TING...婷

第一點係幾好用...

johnson

洗唔洗幫你整條 元首教埋你玩星界 XD