天塔1-20層最新攻略

terrytam2010

天塔係幻想最大型副本,相信好多人都打(掛)過,本人集合各大小公會天塔團總結現時最新攻略心得,希望幫到剛學打(掛)新手.
攻略開始:
第1,2層:最簡單樓層,離開中間王少少距離,王不到3秒就會死,箱一出打一下就飛到門口,確保唔會比人見到你狂打箱.之後既路就好行好多.
第3層:樓層內有好多樹,行到樹後基本上就可以,但缺點係睇唔到箱幾時出,反應慢少少會打唔到箱,咁即係攻略失敗.另一方法亦係現時眾多高手採用,就係響火盆附近,但有機會比怪打到.
第4-8,10層:攻略法基本上同第1,2層差唔多.盡量行近中間位等打箱.
第9層:呢層對裝備有少少要求,裝好就響中間,冇血就打小怪吸,裝唔好就唔好行太近,或者響大火靈後面,千其唔好走去門口,呢個係全個攻略重點.
第11層:最容易犯錯既一層,響中間基本上就等於攻略失敗,係人都知你響度做緊咩.高手就緊係去冰火王位.因為通常呢2隻王都係死得最快.王一死就走去中間等打箱.雷風王有定身技,中左就有機會打唔到箱.
第12,13層:又係響中間,但要睇下整團人火力夠唔夠直秒王,如果秒唔到就要走位.
第14層:最安全當然係中間位,但記緊要落坐騎.做樣要做得徹底.
第15-17層:同12,13層攻略一樣.
第18層:本篇攻略重點係唔好響門口,所以建議響3,9,12點樓梯位就最安全.
第19層:好多新手都會犯錯,就係唔拎狀態.除左琴,基本上都一定要拎.你唔拎就係人都知你做緊咩野.我會建議你拎藍色,之後走到最上.一來果度少紅地,二來藍色可以幫自己補血.
第20層:呢層係拎21-30門票樓層,所以非常重要,頭1-19層你都留左咁多力,呢層就行下做下樣,但千其唔好行近爾德巴,因為你冇打佢佢都會攻擊你.

攻略重點:
唔好響門口,記得落坐騎,唔好成日響同一位置.只要記住重點就有機會下次再跟團打(掛).

白雪限定

點解我覺得好似教人點打醬油咁?

LoVeCaT

噗..掛塔攻略

terrytam2010

醬油都要識得點樣醬油,俗語都有"做賊都要用腦".一個高手醬油緊係唔會比人知,唔係就好似之前個富二代咁比人開post話掛塔.

mi5842013

給跪了..

thinkingsomeone

多謝賜教

小七

樓主很厲害！ 謝謝了
請問你幻神ID叫什麼? 想以後再有機會給指教一下

terrytam2010

見樓上咁有誠意,我就講多少少心得.
1)唔係自己公會開團千其唔好叫人打箱細力,我見過10個講呢句9個係新手打(掛)塔或者雙開.都係因為自己掛住打(掛)或分身打唔到箱先出聲叫人細力.
2)請把你的pvp武收埋.見過某一聖劍拎住80紫聖劍打(掛)天塔,大佬你打副已經係咁,打天塔都拎80紫武好威威咩,你又唔係用紫裝勁過人地用橙裝打副,用時武遮住佢啦.
至於樓上想同我交流心得,歡迎發訊息給我.遊戲內的ID我就不公佈,因為我已經好多仇家,打副各樣拒組.

cash648548

樓主掛搭高手, 醒就醒在唔開名

terrytam2010

樓上閱讀理解有問題定打漏左字?我係"教"人打(掛)塔攻略,而唔係話我自己打(掛).除左智障,應該唔會有人自己掛塔仲教埋其他人掛.
識得深層思考既人更加可以利用呢篇攻略去捉一D掛塔既人.
PS:樓上某位記得下次同神槍造價就唔好響會頻講出來.好在果隻神斧唔知咋.

cash648548

既然講到咁有道理, 開個名黎見下人先啦~ 唔開名講毛毛咩~ XD

terrytam2010

都講左我咁多仇家,我仲會開名咩.
而家講晒D掛塔人任招數出來,相信一定好多人找我算帳啦.如果掛塔既識用腦就一定有方法搵到我GAME ID.正如D冇腦先會響會頻造價一樣.

cash648548

連自己個名都唔敢講既人, 好打極都有限啦~
想吹花人地都要開自己個名先有公信力架嘛~ XD

繼續匿埋做人會開心D既~

CHO_hyun弦

係啦係啦我都覺得打(掛)塔應該學下呢d攻略
果個王子有心打(掛)塔就學下啦~
唔好好似飲大左咁係到亂講野~
不過佢掛得咁霸氣我都好欣賞佢

terrytam2010

果然有腦既係會識搵我GAME ID.
但你有樣野係錯既就係我從來都唔會掛塔.如果你有證據證明我掛塔,歡迎放上來比大家睇.

CHO_hyun弦

話說講起打(掛)塔…
除左前果排個霸氣王子…
最近多左隻好雷既斧成日問d公會組拎pw
入到去又長企門口又唔落座騎
平時打副已經hi一下行勁遠架啦
連打(掛)塔都咁冇技術~
真係名副其實既伏斧~
真係好想推薦下佢睇呢篇攻略學下野~

terrytam2010

咁你應該影低佢放上來,等大家都知道.仲要提醒其他公會唔好再比PW先得喎.
你應該記得佢個名,快D密佢叫佢上來學野啦.

cash648548

你個GAME ID早就知啦, 見你咁想匿埋咪同你玩下囉~~~
到最後都要人地爆你出黎先開心既~
個個好似你咁有腦就死啦~

開個新既論壇ID繼續匿啦~~~ 醒!

terrytam2010

咁你放心,論壇名我就唔會轉.我一早講左我仇家多,爆出來只係遲早問題.
仲有就算爆都唔係你爆,而係你朋友爆囉,點解你要假手於人呢?

cash648548

我點估到你仇家真係多到咁架姐....
我仲諗住玩多陣架嘛.....
點知會有人忍唔住爆你bor.......

咦~ 乜個重點係要我爆你名架咩? 早講丫嘛