22呎朱古力聖誕樹豎商場

兔兔

22呎朱古力聖誕樹豎商場 美國甜品大師炮製

(明報)11月11日 星期二 05:05

【明報專訊】要刺激消費，各商場都要搞搞噱頭，
馬鞍山一個商場就打算整棵22呎高嘅朱古力聖誕樹，期望可以打破世界世紀錄。
Emily好想知，究竟棵聖誕擺完之後，會唔會分畀大家食？

朱古力掌門人 獲獎無數

負責製作朱古力聖誕樹嘅甜品大師Alain Roby，綽號「朱古力掌門人」，
喺芝加哥凱悅酒店做過十幾年甜點師傅，曾獲邀到紐約、東京、倫敦等地作甜品顧問，
贏得超過20項世界甜品廚藝大獎，英女王伊莉莎白二世都食過佢炮製嘅甜品，
係全美十大甜品大師。
佢係2006年開始以大膽、創新嘅方法製作朱古力大型雕塑，
市民月底就可以見證朱古力聖誕樹嘅製作過程，
呢棵聖誕樹將會放喺馬鞍山新港城中心展出至明年元旦。