模型全紀錄 - 屋仔的一角

lamxdxd

話說就快有朋友要生日..又唔想好似上年乜都冇送得句生日快樂,所以決定整個模型屋送比佢~
今次要整既只係屋既一角,並不是全間屋,因為月尾生日,加上版務繁忙,面對考試等壓力係絕對唔夠時間..
我曾經試過每晚訓得8個鐘,結果坐一坐都已經訓著...所以模型屋盡量會在日頭開工,夜晚更新依個帖
===========================================================================
長 × 寬 × 高(cm) : 15 × 15 × 10
所需時間: 約3星期
最後限期: 6月27
外牆材料: 珍珠版

再講所需工具:
===圖片有待更新===

1. 珍珠版    部份: 外牆,屋頂,地下,台中間, 珍珠版即是平時到燒蠟檔即棄飯盒那種,文具店有售(亦可用飛機木代替)	7. 擦膠	13. 0號畫筆數支,極細毛筆1-2支
2. 白膠槳,熱溶膠槍+膠條    黏合	8. 膠片	14. 水兜(可用介開了的膠樽取代)
3. 介刀,剪刀   前者切珍珠版,飛機木,雪條棍,後者待用,介刀我比較建議用新刀	9. 雪條棍	15. 司力水
4. 鉛筆    畫線用	10. 飛機木(0.2-0.3CM厚)	16. 布
5. 膠紙    珍珠版待乾時用作固定	11. 紙黏土	17. 色碟
6. 間尺	12. 模型油 (水性) + 稀釋劑(如用廣告彩,塑膠彩則不需稀釋劑)	18. 你的耐性,心機

藍色字為用途    紅色字為可有可無物品    紫色字為可取代的物品

事前準備
1. 一張光猛,乾淨,通風,大的工作台
2. 充足既休息
3. 一份唔會「3分鐘熱度」既心態
4. 無限的耐性,心機
5. 白膠槳: 買一支個咀幼d既膠水/玻璃彩,將入面所有液體倒出,清洗乾淨,抹乾,再將白膠槳倒進


膠片,珍珠版的收集方法
沒有膠片/珍珠版,怎麼辦?請放心,膠片唔一定要到文具店買,可以從日常生活中收集
膠片: 買有膠片包裝的食物(例如壽司,小丸子,超市賣的蛋糕仔)
珍珠版: 生果,飯盒,凍肉,魚類...........

但要注意,膠片絕不可用百潔布擦掉貼紙!!會刮花的,只可用人手清除膠紙,可以噴WD-40幫助清除

最後,尺寸,用料都唔洗跟我...平有平整,貴有貴整,
當然你買間模型屋返來翻新/以佢做例子自己慢慢整都冇問題
===========================================================================
基本結構

1. 度好尺寸,介珍珠版,介既時候建議加把間尺(最好鐵尺)係面,介出來會直好多,
介2塊(或者1塊)15×15,4塊(或者3塊)15×10
P.S最好介埋隻窗個位,否則痴左先來做既會好麻煩,一唔小心就會整爛


2. 用白膠槳將介好既珍珠版黏土,再用膠紙固定各個位置~絕不建議用AA膠,熱溶膠,前者會腐蝕珍珠版,後者快乾,留有膠水痕跡的機會極大,加上溫度高,同樣會溶掉..
如果有白膠槳滲出請用紙巾/棉花棒抹走,否則會影響上色
下面有箭咀的地方就係要貼膠紙既位置,可依情況而加加減減                                完成圖


3. 白膠槳乾透後小心將外部,外面+裡面底部膠紙拆除


稍後會講修補空隙..待續~~

[ 本帖最後由 lamxdxd 於 2009-6-8 17:30 編輯 ]

愉悅鈴鈴=]

@_@間屋既顏色好鮮艷+V+

lamxdxd

原帖由 愉悅鈴鈴=] 於 2009-6-7 13:33 發表
@_@間屋既顏色好鮮艷+V+

唔係,要再上1-2怎白色,因為依個色真係.......""""
用水性模型油,唔開稀...補左隙,等緊佢乾,做埋幾張凳仔先至更新
p.s其實我笨左..應該介好d窗,門既位先至痴實佢................

[ 本帖最後由 lamxdxd 於 2009-6-7 14:05 編輯 ]

benso33

都幾靚呀!你整左幾奈呀?

lamxdxd

原帖由 benso33 於 2009-6-7 18:46 發表
都幾靚呀!你整左幾奈呀?

不過係一件未完成的東東,前後用左2日去cut珍珠版,痴野,補空隙,跟住既我諗會仲精彩
==============================================================================
修補空隙

由於我度尺果陣度得唔好,搞到痴既時候發覺有誤差,所以只好用最快最簡單既方法去修補空隙
咁岩又有包未開過既紙黏土,就硬住頭皮去試了

請注意: 做依個一定唔可以單手做,所以唔好一隻手做其他野一隻手係度搓黏土/補空隙,
否則唔會補得好,又會整污糟d野

1. 用水兜裝水,拎少量(約1粒湯圓大)既紙黏土,然後加水狂搓
2. 搓到接近耳垂既柔軟度就ok
3. 補空隙,入面有黏土滲出既可以唔洗理,補果陣加小小1膠槳落d黏土,好好多
4. 用手指/其他工具整靚佢,唔好補到岩岩好塞住住邊,厚小小/補到有d彎角位都冇問題
5. 等乾...乾透先至拆膠紙,再將滲出既黏土用介刀刮走,但如果有小量滲出既可以由得佢,
多到乜咁先至刮,否則可能會搞到成條紙黏土甩晒,到果陣仲慘

襯未乾透既時候應該檢查一下有冇裂痕,有就即刻修補,如果乾透後再修補我諗應該一樣會有裂痕
最後,等乾既時候唔應該狂郁佢/狂研究,否則又可能再甩,到時要再重新補過,
仲有唔好貪快而開冷氣機/抽濕機/風扇吹住佢!!!!

完成圖+我認為補得最好的一條隙                                貪心到連牆都「吻灰」,其實係黏土加大量水再用手指掃



再之後會講下整窗,然後講上色


6月8 16:18
真係有條裂開左,裂開左的話用白膠槳痴返好,再將滲出既膠水用牙籤挑走,
絕不可以用紙巾,棉花棒抹走!等乾既時候最好用手指按住痴左白膠槳果個位先...將可見既裂痕減到最少

另外應該可以用石粉黏土+水+白膠槳去補

[ 本帖最後由 lamxdxd 於 2009-6-13 01:27 編輯 ]

lamxdxd

整窗

其實我笨左,應該介左個窗既位先至痴果5塊板...由於未整既關係,只能空口講,冇圖
做果陣會影返晒d相補返架啦!

1. 用鉛筆,間尺係個窗既位畫線
2. 用介刀超小心地介開果個位
3. 用你的方法去整好隻窗

窗有好多種,[燙]窗,最多人用果隻窗(其實我唔知叫乜野,鋁窗咁啦)
我選擇整燙窗,想整的請繼續留意~

6月13 1:18
窗介好晒,不過好難畫線,我度左好耐先至度到佢唔斜,仲好易整爛d紙黏土


我因為咁而整爛左3條邊,之後都係開返紙黏土補,我發覺加埋白膠槳會更好,
但乾左之後都會有小量裂痕,可以開小小紙黏土補落去,2層我覺得仲好
所需物品: 紙黏土,白膠槳,水,水兜

1. 先將紙黏土放氛裝有小量水既水兜,搓幾下
2. 補果陣加白膠槳,唔洗太多
3. 等乾

p.s依個方法都好似乾得好快(以隻手摸落去冇涼涼地既感覺為準)
而且d黏土變到有d似雪糕...

[ 本帖最後由 lamxdxd 於 2009-6-13 01:25 編輯 ]

軒轅皇

嘩勁啊你:yeah: 其尼你係唔係老師來架識甘多野:question:

火少

都幾靚呀!你整左幾奈呀?

軒轅皇

lamxdxd點解甘小人來吹水架:(