華東之旅PART2 (第2日)

lamxdxd

第2日:上海浦東新區→膍貅館→同仁漢方堂→無鍚→薛家花園→酒店

朝早6點半..我仲係訓得好林的,突然,1個MORNING CALL就嘈醒左我~梳洗完後,大約係7點15分..我地就放好D行李係門口,就落去食早餐了
D早餐..算係OK多野食,不過我最主要既都係食粥,麵..夠飽肚嘛,加上容易入口~而D女侍應件制服..超似女僕裝~
食完早餐..8點15分就上車了..向浦東新區出發!
去到浦東新區,話就話係朝早,但係都已經覺得好熱..D汗仲超勁!應該係10點幾到..我地就走了
之後就去左「膍貅館」..個膍貅館,係一個工業區,果個工業區叫「由由工業區」,好似係話由幾個民夾錢投資的
膍貅,上海人叫「天祿」,好似話可以令自己發達,化煞..不過其實如果真係咁有用既話,咁人人都發啦!如果唔係仲會有人窮?
係膍貅館入面介紹果個人..記得已經係第3次見到佢,頭果2次去..都係佢黎介紹
教完我地點樣模膍貅之後,就入去聽野..聽完,我地就即刻去洗手間..去完個洗手間,出返去搵架車果陣..呀爸超搞笑,話拉唔開度門..之後我試下拉啦,點知一野就比我拉到~其實係佢唔夠力姐,冇可能真係要我地買野先放我地走既
去完個膍貅館之後,我地就出返去食飯,途中仲見到「由由新村」..都係果班農民夾份投資既~真係覺得好神奇,一班農民咁都可以令自己變得有錢
到左食中午飯果度..入到去,第1個比我既感覺係有D似結婚擺酒..就係因為E個拱門,仲有雙喜


食完飯之後,我就無聊果頭..落左去地下睇D餸..件件都係真野黎,不過冇留意到個價錢

睇左一陣之後,又上返車去「同仁漢方堂」,記得果陣好似係由浦東去浦西,要坐成半至1個鐘車..果1個鐘,唔洗問又係訓教或者發呆
到左同仁漢方堂,我就即刻衝入去涼冷氣,然後就上2樓按摩腳果度,我同呀爸+媽3個就坐左最前,其他人都到左之後,就有個唔知乜水係度介紹
我廢事聽佢講,聽到悶,就拎左部NDS黎打..打左3-4分鐘到,果個人都介紹完,之後按摩師就入黎幫人按摩..我就因為某D事而冇按到,坐係度繼續打機
大約半至1個鐘後..呀爸+媽都按完,我地就上返車涼冷氣..上海既行程就去完,之後就到無鍚啦
去到無鍚,都成唔知4點幾定5點了~我地就去薛家花園,依個花園好似係清朝某官員用黎養老用的,好似話以前佔左半個無鍚城,但係因為某D原因而縮細左
不過雖然話細左,但係都仲有排行..所以我地只行左小小..


行完之後..都6點幾了,我地就去左食飯~因為無鍚既人1日3餐都係係屋企食..所以D餐廳,酒樓都唔會好多人
我地去到果陣,成間野直頭係得我地依團人~依晚就食無鍚排骨..酸酸地,幾開胃!
但係D白飯就..好似係由中午放到去夜晚,所以我都冇食到
食完飯..我地就返左酒店,今晚住既係「華美達廣場大酒店」,都係5星級既..仲係係唔知豪宅區入面,但係好遠~而且周圍都好靜
「無鍚無鍚,冇人鍚今晚要自己抱住枕頭訓啦」←依句係個導遊講既,不過聽到依句既同時我又諗起我最鍾意果個人@V@..唔知佢點樣呢?好掛住佢呀>__<

↑酒店大堂

↑128蚊就有12個月餅,感覺上幾平
不過間酒店,話就話係5星級,但係住D房就係分左A,B,C座..而且仲要行大條走廊先到..真係麻煩
而我地呢..就係住B座,間房仲係一入到去..行1-2歲路就到,正爆~岩晒我依個懶人
張床都幾大下..不過我就慘,要2張床合埋黎訓,3個人迫埋一齊..分分鍾訓訓下張披會比人搶左


依間酒店同樣都係有浴缸既,不過我冇浸到
沖完涼之後,就約埋姑姐+姑長+表妹佢地出去睇下有咩宵夜食~我地行左出去酒店出面,條馬路+街靜到乜咁,1個人都冇
過左馬路..見到有間類似便利店既舖頭,我地就入左去睇下有咩好食~入到去入面..黑到死,不過原來佢地係當有客入去果陣先會開燈,真係慳電!
之後我地就買左D餅,汽水,杯麵返酒店食..估唔到康師傅D杯麵都幾好食下~
食完野之後..我睇左陣澳運..11點幾到就訓左教!

我玩曬

d野食=-=

好似好正咁..

lamxdxd

原帖由 我玩曬 於 2008-8-28 18:12 發表
d野食=-=

好似好正咁..

但係就算係真GE都5敢食LA=0=
都5知放左幾耐