(明報) 昂坪360阿頭 功成身退

ng04

(明報)2009年7月16日 星期四 05:10
【明報專訊】想當年昂坪360    纜車故障頻頻，地鐵    公司提早同營辦商Skyrail解約，派咗當時嘅地鐵車輛經理張少華走馬上任做昂坪360董事總經理，唔經唔覺做咗近兩年，下星期佢就番港鐵升職做車務營運總管，佢話心情比當日調職輕鬆好多，話晒當日係去處理危機，要恢復市民嘅信心，心理壓力好大，所以最開心就係纜車重開嗰日。

張少華同Emily講，嗰日佢成朝戰戰兢兢，見到兩個中學生為咗霸頭位而紮營，仲有一班僧人捧場搭纜車去睇大佛，市民反應唔錯佢先安樂啲，佢仲話嗰段時間係自己曝光率最高嘅日子，不過以後就唔多想喇。張少華嘅開心事仲有市民對水晶纜車嘅反應唔錯，證明創意嘅重要，令360纜車變成具特色嘅纜車。

張少華仲話，做過纜車公司先知「纜」嘅重要，事關只要稍為郁吓條纜，成個纜車系統就要停。佢話呢啲經驗雖帶唔到番港鐵，不過喺昂坪360學識提升客量嘅技巧，仲有累積好多對外聯絡經驗可用得番。