麻煩相關人士入一入黎解釋下

redwilkin

關於今日維護官方對BUG既處理手法覺得好有問題

1.魔炮星石 今日見到米斯高回應


今日維護完後上線就見到更新


我唔知官方係咪一早就知有問題,
我地做玩家既真金白銀俾錢買石洗石試
試到有問題同你回報
你求其係上面加句野就同我地講係架喎好正常
我想問呢D算唔算行騙?
我想問呢D係咩處理手法呀?由玩家花時間金錢心機去做TEST,CAP圖拍片
試到有BUG回報俾官方
官方加1句野上去就當冇事發生過?
如果佢本身係咁既,點解官方一早唔會講
要等玩家做客既同你係度試,試完你同我講係咁架喎,係咁易擺番句野係上面就當冇件事
係咪以後都會出現D相似咁既情況?
留俾我地做玩家既慢慢去發掘當做遊戲樂趣

2.各職既進階天賦
上星期維護完之後,各職既進階天賦全部都變番未改之前,例如刺客既敏鬼冇左40%技能CD
呢個又係經玩家試完之後CAP晒圖拍晒片擺上黎,官方先慢條斯理咁回應

1個咁大既漏洞都要話為左版本穩定,要等1個星期先修正

官方更新公告仲要打到咁隱悔
我唔知官方係咪想得過且過就算啦,完全唔覺得呢D係問題

我就見台灣有問題會進步緊急維護
香港就乜都等1個星期
係咪假設下星期維護完個遊戲BUG左打某隻怪會1隻跌1萬金出黎
官方都要為左版本穩定而要等1個星期先維護先?
如果係既我真係冇怨言

3.魔炮技能
上星期我係AGAME出過PO
又有玩家拍過片
魔炮技能魔能鍊化係用完魔炮星石之後會上騎招技能個格個黑左呀

我等左1個星期,到更新都係黑左格
我想問個版本有幾穩定呀?
出PO既時侯唔知問題出係邊
等官方做TEST,到我地呢D玩家自己都試埋個問題係邊同你講埋啦
拖到我隻職都70LV喇你都仲未整到個問題
係咪要等1個星期然後等你句系統正常呀?

剩係識得出埋D規章增修公告可唔可以花多D心機係處理玩家既問題上面呀?
下下唔開PO唔拍片唔CAP圖唔SD EMAIL唔打去客服都唔會處理問題
踢1踢先郁1郁咁,係咪冇玩家出聲個問題就唔洗處理先?

利申:由晴空玩到而家,以前官方做事都唔會咁,係由幾時開始變到咁架呢
呢D服務態度令我地呢D做玩家既對呢間代理既行事手法失去晒信心
點解晴空幻想會咁多人玩,去到而家星界神子呢D會差咁遠留番俾你地自己諗啦[size=14.6667px]