阿輝乂 and 冬陵乂露 的 四 人 世 界 <<天寧ser天寧國東區一號>>

LouIse

發佈主題：四人的世界
角色名稱：冬陵乂露
伺服器：天寧
住址：天寧國東區一號
談一談我的五星級的家：  一家四口齊齊整整，幸福的一家四口:kiss2:



一樓係大廳呀^^，先同仔仔女女同老公影番張全家福。大廳沙發平時除左係比客人用之外
仲係d細路鍾意ge地方，佢地可以行過d拿本鍾意ge書，安安靜靜咁睇書，從中吸收多d課外
知識，提高文學修養水平。而前面空置ge地方通常係被佢地玩玩具同遊戲用ge，夠晒寬敞。
:cheer:



話咁快上左來二樓喇，先映入眼簾就係一扇屏風喇，可以防止一ｄ蝦碌朋友一個唔小心失
重心由樓梯趺左落去。唔．．．南方我故意放左一張小茶几，平日可以搖身一變成爲一張
書桌比仔女做功課同溫書之用，一物二用。而且南方仲係今年文昌位呀，希望可以令到仔
仔同女女頭腦靈活、思想清晰、學業成績突飛猛進喇:fly:



一移玉步，終於到左主人房喇！！仔仔依家自己可以訓一張床仔，但女女太細，依然仲要
同我地一齊訓，咁樣比較有安全感一ｄ。牆上面掛曬ｄ書畫，細路仔係細細個比較容易吸
收新事物，希望佢地日對夜對會對國畫同書法產生興趣，而且練書法第時寫硬筆字都會令ｄ，
畫國畫仲可以培養佢地ｇｅ耐性同埋藝術細胞都會多ｄ豐富ｄ嫁。大家見唔見到仲有一個用
屏風圍左ｇｅ地方呢？個到就係更衣室，我仲鋪左兩張地席係底，冬天就唔驚換衫時地下
太凍，凍親腳仔喇。 :em800_137:



來到花園lu~~夏天屋入面太熱時，我地就會一家人移施到花園用膳。晚上可以訓係到，
一邊聽住蟬鳴一邊望上天空數星星，係一項唔錯ge家庭樂!!偶爾仲會一齊品嘗一d小點心
，加上一壺岩岩泡好ge茶，個種心滿意足係並非筆墨能形容。側邊仲有位種番d蔬菜水果，
成功與否並唔重要，最緊要係可以被佢地感受一下農夫ge辛苦，知道「粒粒皆辛苦」ge
道理。:yeah:



最後到我最鍾意ge地方喇>.< 食飽飽可以來小涼亭到散散步，除左可以減減肥，仲可以聽
下流水聲，冷冷的水蓋過足部，傳來一絲絲寒意，減少夏天的酷熱感覺。早上睇住d魚仔
寫意咁遊來遊去，都係一個唔錯ge寫生地點。:em800_16:


希望鍾意我ge介紹同我間屋ge人可以多多支持:em800_02:


[ 本帖最後由 LouIse 於 2009-9-21 21:54 編輯 ]

LouIse

＝口＝
哥，冷靜ｄ．．．．．．