關於月費版

小雯

原廠o既開發人員已經換得七七八八，無咩人熟悉呢隻遊戲o既架溝 <--呢點唔係藉口
咁又開個ser出黎﹖我都知你地會迴避呢個問題，點解咁快開個ser出黎，大家都估到。

順滕摸瓜呀﹖知唔知而加得番幾多人玩﹖開隻人行下ser1 商丫，包你話恐怖，第一行都有得你擺檔，2行金商都擺唔滿，改得黎都無人玩，我都係等緊月費完，唔知完點前改唔改到月費設定呢‥估唔到玩緊月費版我會問呢個問題

小雯

聽版主講，原來未必改到個設定，睇黎真係可以退童，入左點就算，當比乞丐，月費都好呃，奉勸各位想追隨月費設定既唔好升Lv都好D，已經浪費左金錢，唔好浪費埋時間同心機，好似我咁，未完月費但只掛機，靜觀其變，但我只見佢地搞其他野，好似出包、出雙經、而加出埋什麼活動小組，唔通我地每月比50蚊玩月費版就係為左呢d﹖如果一開始大家知道係咁，大家會唔會入點呢﹖唔改個設定唔會有好多人玩落去

小雯

蘋果味牙籤 發表於 2013-5-19 22:42
即係例如你20LV咁解喇
咁按道理應該比1LV多左19*(3+3) (升左19個LV,3點隨機點,3點自由點)
咁首先將你D點 ...

所以我咪話改唔改番月費版都會有好多爭議，改唔番就會比人話呃人比錢玩，因為都唔係玩緊月費版(我都好認同係呃錢)，但如果而加先改番月費版，緊有爭議，有人按照免費版玩法加點要求重點，有人想好似免費ser咁一個Lv重晒6點(我都唔係好認同，因為唔會有新手想加入)，都有人反對咁樣重點，就係晒左錢買左屬調食既人喇，本人就係按照月費版黎加商人點，加到唔湯唔水，加左好多力，但竟然仲玩緊免費版，結果後面d點唔加了，反正夠力用，主玩角色更加無升，因為預佢地都唔改同唔知點加點好，硬係覺得無論點改都好難好多人玩，要怪就怪佢地唔識世界，唔整好左先出ser斷左條米路

小雯

蘋果味牙籤 發表於 2013-5-20 10:35
所以我依家都無玩住
但應承自己 佢一改好
我一定入點玩

我係局住玩，月費未完。
改好都未必咁好玩，人物既點都唔知會有咩安排，仲有之前有人利用任務洗出黎既黑錢已經帶來唔少問題。如果改完再開另一ser都可以接受，不過d月費錢白白浪費左‥