傳奇又出新game,真係平衡無望?

叛逆小方

依個都唔算"新"聞,因為都係幾日前ga事
點解職業平衡遲遲都唔解決
其實係有原因的說
http://gnn.gamer.com.tw/9/114029.html
就係咁,所以咁

http://forum.gamer.com.tw/C.php?bsn=24451&snA=63215&tnum=31&subbsn=3

職業多唔一定不平衡,係睇你有冇心
例如"星塵"(十二個職都冇話不平衡)

廢話完,以上

cskm2005

人地出新GAME
唔應該只係講"平衡"~
你諗下...
人地最期待既小屋都出咗,仲有咩好期待?
天塔100F?


傳奇話,永續經營,就係無嚴重既事發生,都會"經營"一隻GAME.
即係佢愈開發多一隻GAME,就愈唔多打理上一隻GAME.
上一隻GAME永遠係下一隻GAME既"食糧".

mi5842013

因為幻想太多人嘈職業不平衡..所以新GAME"遊戲中有 9 種不同的職業，玩家們可以自由選擇不必重練。"...?!

小細細

mi5842013 發表於 2015-4-27 09:06
因為幻想太多人嘈職業不平衡..所以新GAME"遊戲中有 9 種不同的職業，玩家們可以自由選擇不必重練。 ...

相等於神域主武重置卷...

mi5842013

小細細 發表於 2015-4-27 09:18
相等於神域主武重置卷...

相等於神域唔知會唔會出既主武重置卷

小細細

其實我都希望幻想神域會考慮一下推出主武重置卷....
因為隨著更多職業開放, 如果想玩新角色, 就要重練新人,
而重練過程只係不斷重覆解主線OR日任, 老實說或者1, 2次都仲OK...
但當職業越開越多又不停咁重練...就真係好煩同好厭倦......
新開職業係多數都勁...唔係點吸引人玩...
但係玩緊舊職果D, 覺得唔平衡, 又唔想重解主線日任升過新職業就寧願唔玩....

而我覺得係唔會有職業平衡呢樣野, 除非係同一樣職業,
如果唔係不同職業緊會各有優缺點.....無可避免..
與其係咁官方不如開主武重置卷啦....
省去玩家重練時間, 令到玩家更多時間享受遊戲不同樂趣.....

mi5842013

小細細 發表於 2015-4-27 09:59
其實我都希望幻想神域會考慮一下推出主武重置卷....
因為隨著更多職業開放, 如果想玩新角色, 就要重練新人, ...

順帶一提..有埋主源神重置卷就好啦..

最初開人既時候..D源神都未知係加D咩能力..造成主源神往往唔岩本身職業用...

特別+治療好似得夏娃有(?)...加火傷又好似得燭龍有(?)...想搵其他源神頂替都唔得...

小細細

mi5842013 發表於 2015-4-27 10:08
順帶一提..有埋主源神重置卷就好啦..

最初開人既時候..D源神都未知係 ...

係...初始源神又係好多人中伏....

叛逆小方

佢只係持續出新game,又唔諗下點樣可以持續落去
出新職都可以平衡,冇人叫你一下出咁勁喎
搞到個個都去練新職,有乜謂
書都話有BUFF+毒先勁,雙刀DOT又追唔上王HP成長遠攻仲多過近攻,

其實冒險之路+灰格果陣開始,已經開始左不平衡之路連擊本身只係雙刀先有,之後個個職都有
最過份就係槍下次1倍傷(勁過橙狂熱),斧LV4霸體又有連擊同2x%下有連擊,弓又有風靈+追殺信念


劍盾又冇傷,反傷又唔痛,得個"硬"字,坦盾黎講
唔理咩裝,人地升多5LV就同坦一樣硬,我要個坦黎做咩
果招反傷盾又係多餘,PVP果D人最少都有十幾萬血,你反得幾千,R痕到1個小情仲多過佢
PVE反王又唔係見到條HP槽扣血,有人話 絕對防禦 有30%反傷+幾萬點傷害    幾萬- -?

灰格廢又唔識改善,只係拎晒D心機去設計新GAME,果D大力職業試下唔點灰格,傷害都差左段距離
果D咩 "XX%下再比人打多次會發動效果" 根本係多舊魚,發動果時都死鬼左啦,咁易改都唔改
雙刀玩毒,又唔夠書毒;火炮要大力,又唔夠雙(手)槍大力;劍盾又硬,有時琴仲硬過佢又有回血
各個職務定位被嚴重扭曲,又唔去修正
之後將A遊戲不足的地方改善後,推出在全新的B遊戲內,
唉...人類總要重複同樣的錯誤;人類未能從歷史中汲取教訓

折竹

幻想隻人整得岩我心水多D
傳奇d game唔準備再店

小細細

叛逆小方 發表於 2015-4-27 15:42
佢只係持續出新game,又唔諗下點樣可以持續落去
出新職都可以平衡,冇人叫你一下出咁勁喎
搞到個個都去練新職 ...

新職唔勁, 又點吸引人去玩,
唔玩又點會有人買點沖裝?
講到尾都係為左錢, 世界冇免費午餐。

另外希望唔好再抹黑劍盾,
搞到劍盾成日俾人拒組,
我以前係玩劍盾出身, 係來緊我斧90之後都會重升劍盾..
劍盾唔係你想似中咁差...
以下呢段片 係 引用 巴哈某大神所拍 劍盾 單刷 75D 3分54秒
問心果句, 你成日話斧勁, 劍勁, 你身邊又有幾多玩斧, 劍朋友做得到呢個時間?
有好多野真係好視乎你有幾俾心機去做...

叛逆小方

小細細 發表於 2015-4-27 18:28
新職唔勁, 又點吸引人去玩,
唔玩又點會有人買點沖裝?
講到尾都係為左錢, 世界冇免費午餐。

如果劍盾真係勁ga就唔會咁少人玩啦

我以前係玩劍盾出身

如果劍真係勁,你神早升左隻劍啦

劍盾又冇傷,反傷又唔痛,得個"硬"字,坦盾黎講
唔理咩裝,人地升多5LV就同坦一樣硬,我要個坦黎做咩

你睇清楚先啦,坦盾
人地全天譴裝又要食齊藥水+晒buff+聖雷
我冇抹黑劍盾,我只係講盾坦廢,又話打盾廢

po得出黎就知你做咩
好聽d係"分享",難聽d係"晒命"
話就話幫助玩劍盾ga人,但標題滿意惡惡
3分54秒?劍盾都做到 咁我成日話勁果d職業咪行地獄副本?
將果SET裝比其他職着,就知道平唔平衡啦

我人面少到冇朋友,我身邊有冇人做到真係咁重要咩?
重點係知到有唔平衡就ok

裝依樣野,設計果個都有問題ga,愈出愈冇心機愈爛
愈升得高lv就愈冇職業特色,
乜重有三大閃職ga人係玩主閃咩?
上到85lv個個都可以95%閃
上到70lv個個都係75%防
上到70lv個個職業都係玩打手用狙擊(琴都打手啦)
上到70lv轉左裝個個都有70%爆以上
乜重有職業特色咩?

我夠知打手劍盾勁啦,但同真係打手果d比,有得比咩?
明知有等差依樣野,升多少少lv就頂到,我曬錢整坦裝做咩?
你地又成日話有心機咩職都勁
就唔會有人見到其他職勁就諗都唔諗轉玩新職啦
我好有心機整我隻雙刀,咪又係玩唔到極致
雙刀潛力唔大,點改都係一樣,
可能你會話:我識d雙刀好大力,可以單刷75地
咪又係屈等差,點解我成日講咩"等差"
你升到75lv入75地,同升到85lv入75地
就算裝冇轉,硬度都唔同左,依個係等差

"如果冇等差,咁升lv黎做咩"
唔係話冇左等差,只係等差差距太過強大,
咁咪令有d職業冇左個特色囉,明唔明呀?
自己努力付出過變成強大,但一出新職就一下打沉你ga努力


比你玩到隻雙刀幾咁猛毒幾咁高傷,
一個光翼,一個EX咖哩棒,一個轉轉樂(斧),一個音速彈
你果幾下毒 加埋技傷都只係醬油
根本上ga問題真係可以只用一個心機就可以解決到?

重有:明明係補師設計上是著長袍,點解可以著鎧甲去前線坦敵人
明明係後方支援ga弓手,點解可以變成全隊人ga主力輸出仲可以上前頂
唔係講笑,事實黎,
pvp果d 琴書/書x 可以1個頂10個重可以全身而退
pve遠攻衝前拉怪仲大力過d近攻

全13個職業,6個近,7個遠
雙刀,斧,盾,太刀,拳,聖劍
槍,炮,杖,弓,鐮刀,琴,書
點解"紅字"果d會多人玩,而"黑字"好似冇人玩咁?
因為佢地就有過強ga特色/系統/輸出,甚至強大到覆蓋黑字職業ga特色
每個職都有好強ga人,但同其他職強ga人比,個距離相差會好大

小細細

叛逆小方 發表於 2015-4-27 20:42
如果劍盾真係勁ga就唔會咁少人玩啦
如果劍真係勁,你神早升左隻劍啦

其他職我唔平論,
因為真係冇咩研究,
我只係著眼點係盾,
因為我係玩盾出身,
有一段時間冇玩, 大概係上年7月左右重玩返,
果陣就諗住收個高LV ACC 齊裝 玩, 咁岩我睇過果陣最高LV係呢隻ACC就收左,
就一直升到現在。
就正如我樓上所講, 我真係冇興趣重複解主線升多隻人, 一來時間唔夠,
二來好悶, 源神祈願同生產階級都夠我搞...
不過但係咁, 我就決定左來緊斧90之後一定升返隻劍盾, 因為一來想玩, 2來我覺得係有潛質..
不過你眼中我諗應該係睇唔到...因為你只係人云亦云..
之所以點解問你有冇朋友做到,
係因為你有朋友做到你至少睇過, 問題係你連睇都未睇過, 就成日吹其他職輸出就好勁, 劍盾就一定好廢, 咁做對玩劍盾人公平? 其實你對劍盾了解有幾多?

我比較鍾意做實驗, 我想睇下你口中所講GA"3分54秒?劍盾都做到 咁我成日話勁果d職業咪行地獄副本?"

由今日起直到源神洗鍊之前, 如果港服有人"85LV" 拍片(非剪接), 正常播放速度, 單刷由到打到尾 75D 係 2分半鐘內完成, 第一位放片果個, 可得2萬金以示獎勵。

我想睇下你口中GA "我夠知打手劍盾勁啦,但同真係打手果d比,有得比咩?" 差距有幾大。

叛逆小方

小細細 發表於 2015-4-27 21:36
其他職我唔平論,
因為真係冇咩研究,
我只係著眼點係盾,

出60裝果陣時
我已經見到雙刀前往一片黑暗
這路上有"牆"並且不能跨越和打破
由果陣開始去研究:如何跨越或打破它
當我愈研究愈了解得多
就愈發現問題不是我方法用錯
是根本無法解決的問題
一個星期後去開左隻杖(並沒有放棄雙刀)
升到同本尊差唔多lv就發覺
杖比雙刀強是來自冒險之路/技能/職業特色
潛力是不會比雙刀差
時間過得好快,我開多隻太刀玩
因為太刀潛力不比斧弱,不相伯仲
這時太刀70lv
我回望自己隻雙刀(70lv 71=??)
點法,配裝一樣
兩者差距已經是大到...
果陣又有槍,書...崛起的時候
所以我全職業都去研究
了解各個職業成功同失敗之處

你話我係人云亦云,連睇都味睇過就"吹"
愈知道太多愈發現各職業之間的差距
有d職業睇3樣野就知道潛力大否
冒險之路+技能+專精(後期發展)
我對各職業了解深入,先成日話職業不平衡

仲有 冇朋友唔等於味睇過,咁有朋友就一定睇過?
根本唔可以一齊講
我做隻隻都升過所以一定唔係吹
講真,打手都坦到王,咁坦實際有咩用?你答我

人云亦云...(笑)
出聖劍果時我去試過"聖炎"有幾勁
你應該睇過,"聖炎"係會狂熱又會爆擊又可疊傷又有吸血....
懶人包:果幾秒比得上雙刀d毒(技能lv一樣,裝一樣)比同lv黑炎勁

斧勁係冒險之路同特色果到
霸體有連擊又+16%傷害,灰格又有連擊
天生多人上述的,重有幾樣
所以咪冇得同其他職業比lo
法杖 太刀邊有+傷,但各自有特色互相補足
也有一d職業冇,
唔通就唔理佢地死活?

我乜都唔知又唔了解?唔了解就唔會講都咁多野比你地睇啦,你估真係靠"吹"啊


______________________________________________________________
唔好誤會小細兄做實驗係唔關我事,唔好拉埋黎講,兩件事黎

小細細

叛逆小方 發表於 2015-4-28 01:14
出60裝果陣時
我已經見到雙刀前往一片黑暗
這路上有"牆"並且不能跨越和打破

我一直係到講劍盾,
你係都要拉埋其他職來講做咩?
你又講套裝放去其他職到一定勁劍盾好多, 劍盾完全冇得比...
但係你又冇實測過, 咁你拿咩數據來講?
唔係吹係咩?
引用你呢句"講真,打手都坦到王,咁坦實際有咩用?你答我"
劍盾唔一定用坦裝OK? 既然隻王都殺唔死人點解唔轉打手裝打?
當然你又會話我玩打手職點解要玩盾? 但段片就係想講俾你知, 或者劍盾未必真係好高輸出,
但係肯俾心機玩, 都一樣打得唔差, 至少 4分鐘內單刷完成75D 唔係好多人做到, 反觀好多人玩你講GA勁職都一樣可以好雷...
而你又成日講對各職有深入了解, 唔係人云亦云, 又唔係吹水...
你講"斧勁係冒險之路同特色果到霸體有連擊又+16%傷害,灰格又有連擊" 咁借問聲你
你知唔知霸氣已經改左不能觸發連擊效果...?

mi5842013

見大家討論得咁熱烈...我搭下訕先...不喜請無視....

其實自從專精出左...感覺盾著打手裝真係同其他打手無咩分別...一樣好大力...

不過搞到打手配方更加多人搶...人人都要造傷套...

而個GAME就更少左D特色....全職打手...人人裝備追求一樣...造傷同屬傷....

結論就係防裝=雞肋...80圖開唔出天譴...感覺好似受到天譴一樣...阿們...(逃)

孤單心事

即係我覺得人地玩盾玩得出成績
4分內我想講無幾多隻職做到
如果咁都叫廢職我都無咩好講
隻game就玩造傷屬傷既
有撐高自然打得痛   

而盾  雙刀  高系數低武傷職  即使表傷比斧低
輸出都未必比斧弱好多

折竹

其實睇翻小細細之前PO係論壇的片，係4:00
我諗佢同台服果位劍盾的裝備係差唔多 (打手裝壟斷裝備界好耐)
即係話斧同盾頂裝單刷密林地獄都係差半分鐘左右
由是觀之，我唔認為在輸出層面上劍盾同斧之間相差好遠
劍盾的最大遺憾係有人當佢係「坦」，而因為仇恨判定方法+隨機指定，坦型劍盾做唔到一般玩家覺得坦做到的野(守護隊友之類)
傳奇打破鐵三角的方法就係副本設計火力至上 (笑)

戴翻個頭盔先，我淨係玩書，其他雙刀呀杖呀我都冇掂過
不過小方所講的少人玩的職我都識人有玩，都係玩得開心，或者就係「有愛」，而且我同佢地組隊一D都唔覺得佢地「弱」
其實又何必下下要同人比較？比較10秒殺到隻王定要15秒？
打機都係為樂趣，係咪真係咁缺果5秒？
同埋呢隻係OLG，有組隊系統，單刷副的速度係咪職業成績的惟一條件？(雖然我有時都會試單刷)

BTW睇完小細細的憶述，我突然諗翻起上年跟街打62的時候，因為卡王隊中的盾換左呢個ID的斧入泥順利過，唔知係小細細一代定二代了XD

小細細

叛逆小方 發表於 2015-4-27 20:42
如果劍盾真係勁ga就唔會咁少人玩啦
如果劍真係勁,你神早升左隻劍啦

討論開又唔差在講埋,
見你講到研究得好深入...
又成日講等差呢個問題,
咁究竟等差影響有幾大呢?
我推薦你睇以下呢篇巴哈文章
http://forum.gamer.com.tw/C.php? ... nA=62889&tnum=4
或者你未必有興趣睇晒,
咁我簡單D同你講, 如果一切輸出條件及環境不變, 只係存在等差,
咁每高1LV 就係多2% 輸出,
引用你段對話

"可能你會話:我識d雙刀好大力,可以單刷75地
咪又係屈等差,點解我成日講咩"等差"
你升到75lv入75地,同升到85lv入75地
就算裝冇轉,硬度都唔同左,依個係等差"

高10LV 大概就係多20%傷害,
就好似一個玩家無屬, 另1個玩家裝多個屬遺咁..

小細細

折竹 發表於 2015-4-28 13:11
其實睇翻小細細之前PO係論壇的片，係4:00
我諗佢同台服果位劍盾的裝備係差唔多 (打手裝壟斷裝備界好耐)
即 ...

太耐了0.0
我都唔記得了。