職業難選沖等嫌慢?入黎睇

小霆

新手岩岩玩game 一定好多問題  唔緊要  比小小耐性睇落去  一定解答到你好多疑問！！

相信好多人玩game 第一時間一定係睇職業先既~~~! 究竟<晴空物語> 各職業有咩定位呢??? 睇下面!! ↓↓


武者 - 呢個職既定位 其實都偏坦 點解咁講? 原因好簡單 , 因為佢單體技輸出高 , 技能裡面含有3連擊 意思姐係 打1000數字出黎 會x3  變左仇恨會好高~! 呢個職係pvp 1:1 既情況下都相當強~!另外二轉有分開 專攻既<武尊> , 專防既<塔皇>   兩個分支都相當強勢 ~! 想單體高輸出 可以選擇<武者>!!!

射手 - 呢個職既定位一睇就知係遠程輸出啦~! (被打 .. XD  ~!  射手既技能可以話係遠程輸出裡面最高既一個職 , 點解? 因為佢真係射到遠 同埋 好多技能都包含左控制效果 ~!同埋技能都唔算係單體 ,會有附近距離都中招既效果~! 不過我本人覺得呢個職相當於講究走位~ 點解? 因為真係好低防~! 如果副本企定定就咁打既話 好易拖後腳XD  ~! 另外二轉有分開<龍犽><雲狩> 兩個二轉都分開加強左各技能既專精 優點~!  睇大家到時既取捨啦 haaaa

陰陽 - 呢個職既定位其實分開左兩邊 , 一邊係遠程輸出 ; 一邊係補師系 ~! 輸出既威力唔弱 控制效果都相當高 可以話係暫時比較多人玩既職業~ 副本相當吃香喔@@ 輸出技能有單體 多範圍技能~ 補系技能方面 都相當實用 令到職業評價大大提升~! 不過呢個職業都係相當講究走位~ 同射手一樣都係好低防喔~ 因為法師嘛 haaa~ 二轉有分開專攻既<神巫> 專輔助既<御靈>

刺客 - 呢個職既定位一睇就知係暗殺職業啦! 不過最疑惑既係唔知點解佢無隱身技能 haa 無所謂啦~! 刺客既技能 單體輸出 範圍輸出都相當高  控制技能效果高 閃避率更加係全職業之冠~! 戰場相當實用喔~!! 不過裝備防都算係偏低~! 刺客職業我覺得好講求 轉數快~走位技術好~~ 強勁既刺客足以令對手無晒對策~! 二轉有分開<絕影><疾風> 個人覺得兩個分支都相當強勢 都幾難選haa

力士 - 呢個職既定位...算係副坦 / 打手 ? 點解? 因為輸出唔算太高 做成既仇恨較低 ~ 好易比其他輸出高職業覆蓋仇恨 做成OT , 但係呢個職業既血量係全職之冠 技能方面都有輔助隊友~! 想玩下坦又想幫下人 一定要試試佢! 二轉有分開專攻既<霸星> 專防既<狂衛> ,, 呢個分支差別其實都好大~ 二轉前真係有諗清諗楚呀~!

道法 - 呢個職既定位 係主要補師~! 補系技能強大~! 輔助隊友既技能都相當多~! 不過因為二轉出左黎之後 , 比較多人注重左陰陽~ 其實道法呢個職業完全唔差嫁~ 好多副本如果無道法 都真係過唔到~!二轉方面有加強補系輔助技技能既<靈仙> , 另外有<天道> 呢個二轉職既定位 可以話偏打偏補 ~! 都唔弱勢嫁~

守衛 - 呢個職既定位 可以話係中距離輸出+輔坦 ~ 點解係中距離輸出? 因為佢部份技能 唔係近距離 , 又唔可以話遠程技能咁遠~ 所以中距輸出就岩晒佢啦~ 本身職業裝備既防唔弱~ 足以做到輔坦位置 , 守衛比較著重於自身強化 同輸出 ~! 可以話比較特色小小~~ 二轉有分開 主攻既<獵魂> 主防既<森守>  兩個二轉分別都幾大~~都係二轉前諗清諗楚呀 haaa

靈術 - 呢個職既定位 可以話係射手兼副職補系~! 技能都係遠程 再加上有補系既技能 足以令呢個職位評價大大提升 , 不過技能都比較平均小小  但係各方面取捨都相當於恰當可以取長處 補短處~! 二轉分支有 主攻既<舞月>  補系既<玄祭>  

各位睇完上面既短短介紹係咪都已經大約清楚自己想要既職業係咩呢 ? haa  再真係決定唔到~! 就不如行動啦!! 每個職都試玩下無蝕底~!

好啦~! 決定好咩職既時候 大家一定煩緊究竟點沖等係最快既呢? 會唔會好落後呀 :(  其實唔怕~! 只要你每日抽小小時間出黎都好快追到!
各位開完角色之後第一張地圖就係秋葉原 , 首先留意下遊戲界面右手邊應該有個心心閃下閃下~! 就係任務啦~!跟返主線任務去沖等啦~! 仲洗問既?! (被打 ...XD)  其實解完任務都好快會轉到去下一張地圖 翡翠樹海~! 各位會發現有個npc叫<榮耀之盾醫務官> 佢係用黎比大家設定復活位置/回家術位置~! 另外仲有個npc叫風神陣守護者 各位每過一張新地圖最快都搵佢傾傾計先~! 遊戲畫面右上角有個<傳送陣> 可以比你飛黎飛去每張地圖~!大前題要同npc傾計先:D
好啦~! 做完呢D簡單步驟之後點呢? 其實大家都係要繼續跟返新手任務去做. . . 相信大家都會諗裝備點算? 好簡單~ 因為而家升LV其實都比較快~ 唔需要太注重裝備~! 如果真係覺得打太慢啦> < 點算好~ 就唯有去快速鍵既上一面 最尾尾戈個~! <製作> 就係佢啦! 每5 LV都會有一把新武器 比你製作~! 當然你要打夠材料啦~ 不過其實都幾麻煩~ 打材料既時間其實都足以令你升多幾個LV~!  真係嫌慢就去武器商人買把武器就算啦@@  ~! 另外其實有強化裝備呢樣系統既~! 大家解左咁多任務 相信一定有好多 武器強化鎚/ 防具強化鎚 ~! 無錯啦~! 不過<晴空物語>其實都好錫大家既~! 沖裝備都會有安定值 當然沖愈高就愈危險啦~!
相信大家有陣時行過都會見到有某幾隻怪獸仔 係特別大隻~! 個名係唔同D既~! 大家真係要小心D呀 唔夠打就記得閃啦~~~ 趴低一次會扣經驗嫁 :'( ~! 覺得手動用藥水係咪好麻煩呢? 其實有得自動用藥水~! 留意下左上角角色名字戈一到~有個叫輔助小幫手~! 入面設定就好EASY~!
繼續KEEP住主線/支線任務去做 其實都好快升到13,14 LV ~! 我諗呢個時候大家應該會有小小卡等既情況出現~ 唔緊要 打多幾隻怪獸仔 好快升~ 一升LV 即刻有新任務出現~!  繼續去跟任務升就無怕啦~!
呢個時候大家一定會覺得入公會玩好無呢? 其實大家禁鍵盤(G) 有得比你睇 有咩公會係公開招募玩家~ 入左公會之後其實都有公會任務可以做 ~ 係邊到搵?打開地圖(M) 你會發現有個叫<榮耀之盾。公會管理員> 就係佢啦~! 可以同佢買公會任務升級 又可以幫公會升級~! 不過呢個階段其實做主線/ 支線任務都可以升好快 暫時未有需要解公會任務住~! 可以慳錢阿嘛 haaaa~
相信大家20 lv既時候 都應該會有副本任務 , 其實副本任務唔一定要解~ 因為要組人都幾麻煩 要等唔知等到幾時~! 不如繼續去升lv仲快~!不過打副本都有著數既~! 就係每個副本都會掉專屬職業裝備(橙裝)~! 每套裝備既效果都唔同嫁~ 要留意下呀~!
大家應該都好快去到<霜之森>呢張地圖~! 呢張地圖可以話係所有玩家既集中地~! 點解? 因為好多人都會係到吹下水 掛下攤 玩下pvp咁 距離又近左一大步~! 繼續做主線/支線任務好快升lv ~! 基本上係<冰晶雪原>地圖之前 做主線/支線任務都已經升好快~ 點解要特別提<冰晶雪原>呢張地圖呢? 因為到左呢張地圖既時候 相信大家都開始卡等 , 無有怕~ 呢個時候公會任務幫到你手~! 由於前一排更新之後 打怪既數量降左好多~! 而家玩既新手真係多多好處~ 打怪小左 解到任務既速度快左~ 自然升快左~! 發覺公會任務都幾貴下wo點算? 呢個時候大家一定無醒起 平時打怪會掉奇妙餃子任務~ 解呢d任務都升好快 又可以抽好寶~唔差嫁~! 又真係嫌太慢啦~! 點算~!?  唯有出絕招啦~! 就係你會發現有某幾張地圖都會有<時空裂縫> 不過入面既怪獸仔都幾強勁 無返咁上下實力其實都幾難應付, 最好就招晒d親朋戚友黎幫手打埋一份升lv啦~! haaaaa
基本上介紹其實都係咁上下~@ 再有唔明其實都可以善用返各頻道問下其他玩家既@@ 好多人解答嫁哈哈~~~~~~~當然態度要好小小啦 :p

最後其實玩遊戲都唔一定要用錢既~! 玩得開心識到朋友仔乜都得啦:D ~! 各位加油~! 有唔明既都歡迎搵我~!睇下你地識唔識用密頻啦haaaa


參加者角色名稱：霆兒
伺服器：霜之森

wabc1234

Xx小儿xX

好多字 有排睇

king902830

感謝大大分享

孤單心事

我密頻你既實爆粗 放心

ancc17

感謝大分享