本帖最後由 老頭子 於 2012-4-21 12:10 編輯
角色名稱: Charleson
作品內容:
光陰苒蔭，白馬過隙，貶下眼就五年，我第一次接觸童話是5年前的一個寂寥的下午，我仲記得當日太陽高高掛，日光相當猛，街上面既行人都好疏落，就算有人，但我記得佢地既情態都懶洋洋，行動好慢，好似成個香港得我要匆匆忙忙去買野一樣。個日我孫仔來探我，所以我就急急腳去買餸煮比佢食，又買左佢鍾意食既燒肉比佢食。
我個孫個陣只係十歲多，不過自從佢上左小學之後，我地都無太多可野講，有一條雄溝來左係中間，不過試問一個將近退休既老人家，唔玩孫又可以做咩野? 不過個日就唔同左，因為一隻童話。孫仔個日走上黎等食飯，平日都係睇住電視等，但個日佢就聚精會神對住部電腦，電腦裡面出現好多五顏六色既公仔，搞到我老眼分花，都唔知係咩黎，甘我就問佢，點知佢好雀躍甘同我講解，於是，我知道我可以試下玩喇!! 之後佢就教左我上童話官方網站開account，甘我就有左我第一個童話account。
係童話入面，我多左好多機會同個孫一齊傾計，大家入埋同一個族，又試下過一齊幫個族打家卡，又會幫佢一齊掛工技搵錢，由於多左機會同佢傾計，我平日又無咩野做，所以都多左玩童話。慢慢變得我仲玩得多過佢，因為係佢返學既時候，佢無甘多時間玩，但佢又好想快d變勁，所以我就玩多左，努力搵童錢，後來，我剩剩雞買左$100童錢，個陣仲係1兌7m既時代，都換到700m，雖然唔多，但佢都好開心。我自己後來玩玩下都儲到一千萬，加上有次元，所以自己都有錢升左個大老闆，個陣一個人未秒到鬼3，我同我個孫, 齊打水木，一齊去鬼3打，係過程中，都多左機會8掛佢既生活。我地既關係就因為童話而由冷淡變返熱情，真係要好多謝童話!!
不過由於佢依加都讀高中了，要應付公開試，都少左時間玩,，仲交左個account比我，我仲講笑話，等佢考完試再玩，到時送條2300傷既鞭同700力既寵比佢!!雖然好似好易甘，但隨住孫仔少左玩,，我自己呢個伯爺公都無甘好精神囉，加上年紀愈大，精神愈差，依加都係1日玩一兩小時就無玩，所以都好難升到寵。
我睇住我個孫長大，亦睇住童話長大，雖然依加多左好多人掛機，令到d人無咩心機玩，但都希望童話好似我個孫d成績甘，愈來愈好喇! 有時玩遊戲成績唔係再重要，最緊要係當中既樂趣，我都搵到我同我個孫既樂趣，希望大家都得!雖然我呢個玩家只玩左5年，最後都祝童話9周年快樂，愈做愈好!
| 
發表於 2012-4-21 12:05:28
分享
收藏
