關於紅利問題（又有新進展）

大覺屋師真

我見好多朋友都好心急，亦都唔想因為有人聽到其他人講而有所誤會，所以開個貼同大家交待下個進展：

1. 目前官方查到，計算紅利補償既時候，將CB派發既點數都計算左入去，所以會發生有人多左紅利既情況。
2. 暫時紅利商城已經停左，多派左而未使用既紅利點亦已經回收，而使用左既紅利帳號，則變成負數（遊戲內見到係0）
3. 有玩家提到有人多發左幾萬點，或者重登就會再多幾千點紅利，我地暫時檢查唔到有呢種bug，希望玩家可以提供確實角色名稱供我地檢查。
4. 目前官方傾向於向仲繼續有玩既CB帳號派發計多左既紅利，始終佢地由CB就一路支持名將列傳，派多d 紅利以示鼓勵。每人應該有多3125點紅利。
5. 除了CB帳號會多3125點紅利以外，暫時我地未有發現紅利商城有其他問題，如果有玩家查到有其他問題，或者身邊有朋友多出既紅利唔止3125點，請回貼提供資料，我地會一一檢查。

以上，請大家回貼發表意見。


最新進展
根據資料，只有幾十位玩家係用多左唔屬於佢地既紅利（即係而家紅利負數），所以最新解決方向，傾向於向呢幾十位玩家回收紅利得到既商品。有咩進展會再update大家。

更新進展
5:30分會維護修正鑄造任務bug。同時會進行紅利點數處理，派多左既紅利點數我地會回收，而已經將唔屬於自己既紅利使左既朋友，會暫時停權處理，待回收完畢就會重開該帳號。我地既工作人員會逐個通知受影響玩家。

唉心淡

3125紅利 你計返條數 16:1 玩過cb有成50000點? 再計返50000點要成萬幾$hkd 哇你間代理咁好人送萬幾$比人??我唔信wo

仲要扣返負數就算數??人地唔用都用晒啦 你唔比人地用第2個ac入點唔洗負數??哇 你真係當人唔識數學 定係搵緊藉口?????

484fun

真係死都比你咬返生
我唔計有3125以上果啲
就同你傾下果3125  我當3000
3000x16=48000 48000/1000= 48 48x250=12000
玩左cb  送多1萬2千蚊既紅紅點以示鼓勵，真係唔覺有問題既？

大覺屋師真

唉心淡 發表於 2012-9-28 14:04
3125紅利 你計返條數 16:1 玩過cb有成50000點? 再計返50000點要成萬幾$hkd 哇你間代理咁好人送萬幾$比人?? ...

CB帳號係每人派發50000點。

正常黎講，如果向CB到而家一路有玩既人派發3125點紅利，冇人會負數。

名將CB只係派左千幾個啟動碼，到而家仲有上線既人，數量其實唔多。

catshadow

哈哈~笑死人既解決方法

segafire

咁紅利幾時會再派發，我昨晚上到去已經關左。

大覺屋師真

484fun 發表於 2012-9-28 14:07
真係死都比你咬返生
我唔計有3125以上果啲
就同你傾下果3125  我當3000

上面覆左，有左3125點紅利既人唔會多~~~

大覺屋師真

catshadow 發表於 2012-9-28 14:08
哈哈~笑死人既解決方法

哈哈哈....

kusako

負數- -人地都用晒啦 開個隻新AC再入點咪得囉

大覺屋師真

segafire 發表於 2012-9-28 14:08
咁紅利幾時會再派發，我昨晚上到去已經關左。

請留意官方公告。
穩陣起見，我地仲需要多小小時間檢查下係咪有其他問題。
另外，CB帳號亦唔係全部會派發，只會派俾近期仲有登入既人。

唉心淡

大覺屋師真 發表於 2012-9-28 14:07
CB帳號係每人派發50000點。

正常黎講，如果向CB到而家一路有玩既人派發3125點紅利，冇人會負數。

咁你cb會del 咁e+公測黎wo 呀生 係e+你送左既野都唔少wo 3125紅利 18點1個狂雷禮盒 送左成100幾個 遲玩既玩家呢???比錢去玩點知原來唔夠cb玩家黎 wow

早起的鳥兒

變負數

蒙奇D魯夫

咁既答覆, 點玩落去啊.....

支持既, 大家推文: "垃圾昆錢遊戲, 一齊唔玩!!"

Hedi

你話玩cb ac就有3125紅利
我有幫友都有玩cb 而家重玩緊
點解一個有3125 一個無3125
你要名我比你

唉心淡

我覺得佢係想將大事化小事 將視線轉移落cb到

SiU浩

冇玩CB..皮己收

samson2012

正一垃圾GAME，你唔回，我唔會玩，我入左幾千ＨＫＤ,就冇3125點紅,咁對D 有入錢玩GE 玩家好唔公平,一係一齊冇3125,一係一齊有3125,如果你話得ＣB 玩家有3125,即係話現在有入錢GE玩家同由ＯＢ　開始玩到現在ＧＥ　玩家唔屬名將支持者？你答一句係定唔定就得！！仲有２日時間比你回應，老實講一句，唔好好處理，你隻ＧＡＭＥ,唔洗一個星期GAME OVER！
我給你們一個意義，迅速回到維修前個記錄，再每個玩家多送３１２５點紅利，我估事件損傷會減到最低，你越拖得遲做野，玩家越冇信心，得閒學下危機管理啦，你班ＧＭ！！！！！！！！

AYAYUKI

“4. 目前官方傾向於向仲繼續有玩既CB帳號派發計多左既紅利，始終佢地由CB就一路支持名將列傳，派多d 紅利以示鼓勵。每人應該有多3125點紅利。“

嘩，本身既錯誤將佢講到理所當然咁，哦，alta原來認為只有CB玩家是玩家
負數有乜野用，開個新ac，抽落個十幾樣時裝仍然袋袋平安。

無玩CB＝有咩事怪自己無玩CB好啦，唔好怪alta，

咁各位以後識做啦咁

唉心淡

佢仲未答到條好lun簡單既數學問題 3125紅利 送成萬幾$既紅利 送成百幾個禮盒,極防,極武 到底有冇問題?????

係咪禁梗計數機呀??????

若霧

我覺得
除左已經有3125紅利果d人

每人派番3125做補償 咁就公平啦
3125=164張極武
唔能補償番我唔能玩 d人1蚊都唔洗就+20 條氣好唔順囉