第1日 : 香港國際機場→上機→上海浦東國際機場→城隍廟,湖心亭,九曲橋,豫園商城,上海老街→黃埔外灘公園→南京東路步行街→晚餐→360度全方位黃埔江夜遊→酒店
第1日,最辛苦既1日~朝早要成4點幾起身,梳洗完之後,就落左去樓下個互委會度坐下..等左陣架的士就到左
![]()
↑2個行李箱,但係都塞爆晒
上左的士..之後就去呀爺屋企車埋呀爺呀麻去機場...唔洗2個鐘到都到機場,超快!之後就入到去唔知乜區,搵左個位坐陣先~仲見到姑姐+表妹+姑長@@
![]()
↑好多路,但其實都好容易行
![]()
↑個太陽岩岩出炸,熱死
我同呀爸+呀爺就落左樓下睇下有冇M記,7仔,OK果D舖頭...超無奈囉,M記竟然冇左..唯有去7仔買左8件3文治..我仲買多支雪碧,仲有8罐咖啡..不過我唔飲的
食完野...我地就去左搵個領隊,個領隊個名超好笑...英文名叫「Joe」,姓「左」..男人黎既..我睇到個名之後都呆左一陣..之後我地就比左身份證,回鄉證比佢..
比左佢之後我地就走晒去次所啦,女廁排晒長龍..而且地下超濕,見到有D格係冇人去,我就入去啦..去完,沖水果陣..D水湧晒上黎,嚇鬼死我,好在條褲冇事姐!
去完個WC,就去左坐陣..太陽都幾晒下...坐左半個鐘到,就返左去搵個領隊拎返D證件同機票,嘩...D機位真係,分開晒既,搞到我,呀爺,呀麻,姑姐,姑長,表妹,呀爸,呀媽佢地汁位...之後個領隊仲幫我地成團人分埋組,我地8個人就係G組啦,成個團35人,係成個團入面最多人既一組
由北門入左去個"離境"之後,就要將D手提行李過埋X光機果D...我,呀爸呀媽,呀爺呀麻勁快就搞掂..係得姑姐,姑長,表妹3個人搞得超耐,都唔知搞乜既!
之後呀爸佢地就去左免稅店買野,買完之後就行去12號登機閘排隊等上機!感覺上好似好近,但係要搭電梯落去..麻煩
大約8點幾到,就開始登機...撕左張機票之後..我地就坐D巴士去架飛機度上機..上到架飛機,跟返我地汁好左果個位坐...不過其實係細機黎..就算係頭等位都唔會大得去邊..之後好似9點45分到就起飛..應該係大約個半鐘飛機...D飛機餐..算係幾好食,但係唔飽肚= =
11點幾到...就到左上海LU,幾快下,但係我隻耳就爆痛..辛苦死!
不過過關,出行李果D都超快..過關3分鐘內搞掂,出行李...5-10分鐘到就拎晒果5件行李
![]()
↑上海機場
之後我地成團人就搵埋個導遊,就上旅遊巴!架車..幾新淨下,但係冇得自己簡位,因為個領隊早就已經編好晒位了,但係我地8個人就坐車中間..走佬都走得快D!
![]()
↑仲有埋「東瀛遊」個LOGO
大約半個鐘後,我地就去到第1個景點:城隍廟,湖心亭,九曲橋,豫園商城,上海老街~不過好熱,人都唔算多
![]() ↑好大把較剪呀,入去果陣應該都會見到
![]()
↑應該係九曲橋
當自由活動既時間開始之後,我地就去左「南翔饅頭店」度食小籠包..記得個導遊話依間野好出名,咪入去試下
上到去3樓..又要等位..不過都唔係等左好耐,10分鐘到就有位..但係要注意,3樓果度分開左2邊,1邊係每人最低消費25蚊,1邊係每人最低消費60蚊(好似係)
我地坐低左,超快就拎左菜牌黎睇有咩好食,記得好似叫左蟹黃小籠包,蟹粉小籠包,炸蝦球..叫左之後,唔洗等超耐就有得食~因為我唔鍾意食小籠包既關係,所以我只食左炸蝦球..外面係1粒粒既蕃薯,裡面係d蝦..幾好食,但係好多油
小籠包,炸蝦球↓
![]()
![]()
食完之後,我地又周圍行+影相..不過冇咩好行,亦冇咩好影..因為已經係第3次去,新鮮感都冇晒
![]()
↑熊貓,好得意>V<
![]()
↑係鬧市中竟然搵到個郵箱
![]()
↑個天花都幾靚
![]()
↑條街都唔算多人
到大約2點幾到..我地就上返車,去「黃埔外灘公園」加「南京東路步行街」..黃埔外灘公園..主要都係睇對面海,D舊既建築物
![]()
↑黃埔公園既門口..但好似話幾個月後就拆,所以點都要影
![]()
↑由公園望過去對面既東方明珠電視塔(應該冇記錯名)
![]()
↑舊既建築物..日頭睇就似70-80歲,夜晚睇就似十幾歲,因為佢夜晚開晒燈..睇落去好靚
![]()
↑為左奧運,真係[DUM]本..依架船,記得夜晚果陣都仲見到
行完黃埔公園,我地就行條隧道過去南京路果邊~條隧道我地行果陣有D風吹埋黎,好舒服
過左去對面之後..我地又再一次自由活動..行到大約6點幾到就要返返去和平飯店果邊集合
![]()
↑和平飯店..D房好似話好貴,但我地去果陣,間野好似裝修緊
我地一路咁直行,周圍行商場涼冷氣..去左某商場去洗手間,去完出黎之後,見到有間賣運動用品既舖頭..見到佢賣國家隊係奧運著果套風褸..我地8個人就8掛入去睇下
記得個價錢都幾貴下..
之後再去第2個商場..又見到1間賣運動用品既舖頭,睇到個牌子,真係O晒咀..人地adidas,佢就倒返轉=0=~仲要係幾百蚊1條褲,真係睇錯左都蝕晒添
上到去2樓..仲無奈,竟然賣冬天衫!唔怪得之冇乜人行,但係D售貨員仲衰..坐係度抖涼~我地睇到咁既環境,都只係兜左個圈就走人!
5點幾到..我地提早返去和平飯店果度等集合走人..不過好在係準時走姐,如果唔係又要等多幾分鐘先走得,實熱死+餓死!
坐左車十幾分鐘後,就到左食晚飯既地方,我地35個人分左4張台,我地8個人自己1張台呀,連公筷都唔洗用,正!
而今次晚飯既主題係小籠包,所以每台都有,但係我都一樣冇食到,原因已經講左了~
![]()
↑晚飯食既餸
不過食飯果度個環境都幾正下,裝修又靚,而且仲有歌聽,我食緊飯果陣..聽到S.H.E果隻「怎麼辦」(應該冇記錯歌名)
但係個洗手間,真係好唔掂..竟然係磨沙玻璃!係門外都仲可以睇到個人
![]()
![]()
食完飯之後,大約係7點幾..我地又去返外灘果邊..成團人,幾乎全部人都去坐船睇夜景,只得我地8個人冇去到
果陣個天都睇到好多雲,好大煙霞..好似想落雨咁..之後個領隊就帶我地過去對面海(大約黃埔公園果邊)
過海果架船..真係唔知講咩好,雖然有冷氣+電視,但係D坐位好污糟,仲見到有蟑螂..嚇到我幾乎彈起= =
上左岸後..我地都係沿住黃埔公園個海邊行,影下夜景
![]()
![]()
大約十點幾到,我地就返酒店,,叫「上海唐朝酒店」,間酒店都幾遠下,要坐成半個鐘車,但係5星級..好正!
入到去,間房OK大,有2張單人床..超舒服~我仲係張床度攤大字
個沖涼房..超正!係得塊玻璃..可以邊沖涼邊睇電視,又可以睇人沖涼=0=
沖完涼,睇左陣電視..我就訓著左了!果陣大約11點到
![]()
![]()
![]() |
本人專用SD名片
發表於 2008-8-28 17:14:24
分享
收藏
